ڌڱ
ڌڱ (انگريزي: Dhing ) سنڌ جي ضلعي قمبر شهدادڪوٽ جي شھدادڪوٽ تعلقي جي يونين ڪائونسل نمبر 2 لغاري جي ھڪ ديھ جو نالو آهي جيڪا تپو ڌڱ ۾ واقع آهي.
| ڌڱ ديھ ڌڱ | |
|---|---|
| ديھ ۽ ڳوٺ | |
| Deh Dhing | |
  ڌڱ  ڌڱ | |
| جاگرافي بيهڪ: 27°52′06″N 68°00′50″E / 27.86833°N 68.01389°E | |
| ملڪ |  پاڪستان |
| صوبو | سنڌ |
| ضلعو | قمبر شهدادڪوٽ ضلعو |
| تعلقو | شھدادڪوٽ تعلقو |
| آبادي (2017)[1] | |
| • ڪل | 3,277 |
تاريخ
سنواريوبورڊ آف روينيو سنڌ جي 1880ع واري ھن ديھ جي نقشي مطابق ھن ديھ ۾ ڳوٺ ڌڱ، ڳوٺ محمد علي خان کوسو، ڳوٺ گل محمد لانگاھ، ڳوٺ غلام مصطفي خان، ڳوٺ خدابخش مستوئي، ڳوٺ جلال مستوئي ۽ ڳوٺ قادربخش لانگاھ واقع ھيا. ھاڻي اتي ڳوٺ ڌڱ ۽ ڳوٺ گل محمد لانگاھ معروف آھن.
جاگرافي
سنواريوڳوٺ ڌڱ لاڙڪاڻو رتوديرو ھاء وي کان 3 ڪلوميٽرن جي فاصلي تي ھڪ لنڪ روڊ ذريعي ڳنڍيل آهي. ھن ديھ جي اتر ۾ ديھ لغاري، اوڀر ۾ ديھ کوسا ۽ تعلقو سجاول جوڻيجو، ڏکڻ ۾ ديھ ڪڙيو صوبدار ۽ تعلقو سجاول جوڻيجو ۽ اولھ ۾ ديھ ڪلھوڙا ۽ ديھ چانڊيا واقع آهن. ھي ديھ زرخيز زرعي زمين واري آھي جيڪا مڪمل روينيو سروي ٿيل آهي. ڌڱ ڳوٺ جي پاسي ۾ محمد علي مائينر نالي شاخ وھي ٿي. ڳوٺ جي چوڌاري مڇين جا تلاء واقع آهن. ھن ديھ مان ٽانوري شاخ شھدادڪوٽ طرف گذري ٿي.
آبادي
سنواريو2017 جي آدمشماري مطابق ھن ديھ جي ڳوٺن جي ڪل آبادي 3,277 ھئي ۽ جيڪا 537 خاندانن تي مشتمل ھئي[1]. ڳوٺ ڌڱ جي آبادي 1937 آھي جيڪا 320 خاندانن تي مشتمل آهي.