مير ھزار خان کوسو

مير ھزار خان کوسو
(اردو ۾: میر ہزار خان کھوسو)
معلومات شخصيت
ڄم	30 سيپٽمبر 1929
موت	26 جُونِ 2021 (92 سال)  ڪوئيٽا
شھريت	برطانوي راڄ (1929–1947) پاڪستان (1947–2021)
مناصب
پاڪستان جو نگران وزيراعظم
عهدو جو مدت 25 مارچ 2013  – 5 جُونِ 2013
راجا پرویز اشرف   نواز شريف
وزير خارجه
عهدو جو مدت 4 اپريل 2013  – 4 جُونِ 2013
حنا رباني کر   نواز شريف
بچاءُ جو وزير (پاڪستان)
عهدو جو مدت 5 اپريل 2013  – 4 جُونِ 2013
نواز شريف
عملي زندگي
مادر علمي	سنڌ يونيورسٽي ڪراچي يونيورسٽي
پيشو	جج ،سياستدان
مادري ٻولي	بلوچي ٻولي ،اردو
ڪم جي ٻولي	اردو ،بلوچي ٻولي

جسٽس مير ھزار خان کوسو: ھي 30 سيپٽمبر 1929 ۾ بلوچستان جي ضلعي جعفرآباد جي ڳوٺ اعظم خان ۾ پيدا ٿيو. 1948 ۾ شڪارپور جي سرڪاري ھاء اسڪول مان سنڌ يونيورسٽي جي بورڊ تحت مئٽرڪ پاس ڪيائين. 1954 ۾ شڪارپور جي سي.اينڊ ايس. ڪاليج مان گريجوئيشن ڪيائين ۽ ايس.ايم.لا ڪاليج ڪراچيءَ مان 1956 قانون جي ڊگري ايل.ايل.بي. پاس ڪيائين.تعليم دوران ھن شاگرد يونين ۾ سرگرمي سان حصو ورتو. جنوري 1957 ۾ وڪالت جو پيشو اختيار ڪيائين. 1959 ۾ ويسٽ پاڪستان ھاء ڪورٽ جي بار جي رول تي سندس نالو داخل ٿيو.1980 ۾ سپريم ڪورٽ جو وڪيل بڻيو. 1966 ۾ ھي جيڪب آباد ۾ ڊسٽرڪٽ پبلڪ پراسيڪيوٽر ٿيو ۽ 1976 ۾ مستعفي ٿي ويو. جيڪب آباد جي ڊسٽرڪٽ بار ايسوسيئيشن جو ٻہ دفعا جنرل سيڪريٽري ۽ ٽي ڀيرا صدر رھيو. ھن نصيرآباد جي بار ايسوسيئيشن جو بنياد رکيو ۽ ان جو پھريون صدر بڻيو. 1976 ۾ ھن بلوچستان بار ايسوسيئيشن۾ شموليت ڪئي ۽ 1984 ۾ ان جو ميمبر چونڊيو ويو. 20 جون 1977 ۾ ھي بلوچستان ھاء ڪورٽ جو جج مقرر ٿيو. ھڪ دفعو ٻيھر ھي 1985 ۾ بلوچستان ھاء ڪورٽ جو اضافي جج مقرر ٿيو ۽ 31 مارچ 1987 م مستقل جج مقرر ٿيو.. 13 ڊسمبر 1989 ۾ بلوچستان ھاء ڪورٽ جي چيف جسٽس مقرر ٿيو. 29 سيپٽمبر 1991 م ھي ان عھدي تي ھوندي رٽائر ٿي ويو. 28 آڪٽوبر 1991 ۾ سندس مقرري نئين سر فيڊرل شريعت ڪورٽ ۾ بطور جج ٿي.