اختر ڪالوني
اختر ڪالوني (Akhter Colony) ڪراچي ايسٽ ضلعي جي ھڪ يونين ڪاميٽي جو نالو آهي جيڪا ان ضلعي جي تعلقي فيروز آباد سب ڊويزن ۾ واقع آهي. ان جي اتر ۾ اعظم بستي، ڏکڻ ۾ مين ڪورنگي روڊ، اوڀر ۾ ڪشمير ڪالوني، اولھه ۾ ڊفينس فيز-1 واقع آهي. 2013ع کان اڳ ان جو درجو جمشيد ٽائون جي يونين ڪاؤنسل نمبر 1 جو ھيو. شھري حڪومت واري نظام جي خاتمي سان ۽ ضلعن جي بحالي سان ان کي يونين ڪاميٽي جو درجو ڏئي فيروز آباد جي نالي سان نئين قائم ٿيل تعلقي ۾ شامل ڪيو ويو. ھي ڪالوني پنج سيڪٽرن: سيڪٽر A، سيڪٽر B، سيڪٽر C، سيڪٽر D ۽ سيڪٽر E ۾ ورھايل آھي. ھن ڪالوني ۾ پنجابي ۽ اردو ڳالهائيندڙن کان سواءِ سنڌي، پٺاڻ، سرائيڪي ماڻھو رھندڙ آھن. هتان جي آبادي ھڪ اندازي موجب 1,00,000 جي لڳ ڀڳ آھي. اڪثريت اسلام سان تعلق رکندڙ آهي ۽ اقليت ۾ عيسائي مذھب وارن جو وڏو تعداد ھتي رھندڙ آھي. سال 2015ع جي بلدياتي اليڪشن م ھن يو سي ۾ چيئرمين جي سيٽ تي نديم آرائين چونڊجي آيو ۽ وائيس چيئرمين جي سيٽ تي مسز بملا روز چونڊجي آئي، ٻنھي جو تعلق مسلم ليگ نواز سان آھي.[1] ھن يو سي ۾ زيادہ تر غريب آبادي رھندڙ آھي. پکيڙ جي لحاظ کان ھتي آبادي گھاٽي آھي ان ڪري ھتي گھر ننڍڙا ۽ گھٽيون سوڙھيون آھن. ھن يو سي ۾ رھائشي منصوبه بندي جو فقدان رھيو آھي. ھتي کوڙ مسجدن سميت کوڙ چرچ سينٽ پال، ھولي چرچ آف ڪرائسٽ، سينٽ پيٽرز چرچ ۽ بيٿل چرچ جي نالي سان واقع آهن. ھتي سالويشن آرمي سيڪنڊري اسڪول ۽ ھڪ پوسٽ آفيس پڻ واقع آهي. ھن يو سي ۾ تعليم ۽ صحت جي سھولتن جو وڏو فقدان آھي. يونين ڪاميٽي جي آفيس سيڪٽر B ۾ واقع آهي.
| اختر ڪالوني | |
|---|---|
| سنڌ جي جي يونين ڪاميٽي | |
| يو سي 1 اختر ڪالوني | |
  اختر ڪالوني  اختر ڪالوني | |
| جاگرافي بيهڪ: 24°50′31″N 67°04′39″E / 24.84194°N 67.07750°E | |
| ملڪ |  پاڪستان |
| صوبو | سنڌ |
| ضلعو | ڪراچي اوڀر ضلعو |
| تعلقو | فيروز آباد سب ڊويزن |