ٿک ڪنب
ٿک ڪنب پڻ ٿخ ڪنب (انگريزي:Thakh Kumb) پاڪستان جي صوبي سنڌ جي سرحدن ۾ کيرٿر جابلو سلسلي ۾ هڪ وڏو ڪنب ۽ لڪ پڻ آهي.
تفصيل
سنواريوٿک يا ٿخ ڪنب به آهي ته کيرٿ جو لڪ به آهي. ڪنب ۾ کيرٿر جبل منجهان قدرتي چشمن جو وهندڙ پاڻي اچي گڏ ٿئي ٿو. هن ڪنب وٽ جيڪو لنگھ يا لڪ آهي سو قديم زماني کان وٺي اڄ تائين اچ وڃ لاءِ پڻ ڪم اچي ٿو. هاڻ اچ وڃ سنڌ ۽ بلوچستان تائين محدود آهي. هن ڪنب جو پاڻي تمام گَهَرو ۽ شفاف ٿئي ٿو. هن ڪنب ۾ مڇي تمام وڏي ۽ وزني ٿئي ٿي ته ڪن ماڻهن موجب ڪنب ۾ واڳون پڻ آهن. هن جو پاڻي ٻارهن ئي مهينا گاج ندي جي پيٽ ۾ وهندو رهندو آهي جنهن تي ماڻهو مڏ آبپاشي نظام وسيلي آبادي پڻ ڪندا آهن. ساوڻ جي برساتن جي موسم ۾ بلوچستان کان وهي ايندڙ گاج ۽ ڪولاچي نئين جو پاڻي ٿک يا ٿخ لڪ گذري ٿخ ڪنب ۾ پوي ٿو جيڪو اٿلي وھڻ لڳندو آهي ۽ ڪاڇو وارو علائقو سيراب ڪندو آهي. گاج ۾ هن ڪنب جو پاڻي صدين کان مستقل وهي ٿو جنهن ڪري گاج ڪناري قديم بستين جا آثار به مليا آهن ته پٿرن تي قديم چٽسالي يا اُڪر به ملي آهي.[1][2]
حوالا
سنواريو- ↑ "Talking Rocks of Gaj valley". The Friday Times. حاصل ڪيل 2021-06-11.
- ↑ "Sindhi News". The Time News. حاصل ڪيل 2021-06-11.