ٽاٽڙي
يو سي 40 ٽاٽڙي (انگريزي: U C 40 Tatri) سنڌ جي ضلعي لاڙڪاڻي جي ھڪ يونين ڪائونسل جو نالو آهي جيڪا ڏوڪري تعلقي ۾ واقع آهي. ان کي تعلقي ڏوڪري جي يو سي 4 پڻ چوندا آهن. ان جي ڪل آبادي 10,619 آهي[1]. ھن يونين ڪاؤنسل ۾ ٽاٽڙي ھڪ وڏو ڳوٺ آهي جيڪو دادو ڪئنال جي ساڄي ڪپ تي راڌڻ موئن جو دڙو روڊ کان لنڪ روڊ ذريعي ٻن ڪلوميٽرن جي فاصلي تي واقع آهي ۽ ان يو سي جو صدر مقام آھي. ھن يو سي جي حدن م رھندڙ آبادي ۾ ميتلا، جکرا، چانڊيا، بروھي ۽ ٻيا شامل آھن. ھن يو سي جي علائقن ۾ ديھ خيرو جھتيال (آبادي 5,100)، ديھ ٽاٽڙي (آبادي 5,519)، ڳوٺ ٽاٽڙي، ڳوٺ جکرا، ڳوٺ علي مراد چانڊيو، ڳوٺ خيرو جھتيال, ڳوٺ پير بخش زھري ، ڳوٺ عالماڻي، ۽ ٻيا شامل آهن.
| ٽاٽڙي يو سي 40 ٽاٽڙي | |
|---|---|
| يونين ڪاؤنسل | |
| ڏوڪري تعلقي جي يو سي 4 | |
  ٽاٽڙي  ٽاٽڙي | |
| جاگرافي بيهڪ: 27°16′03″N 68°03′31″E / 27.26750°N 68.05861°E | |
| ملڪ |  پاڪستان |
| صوبو | سنڌ |
| ضلعو | لاڙڪاڻو ضلعو |
| تعلقو | ڏوڪري تعلقو |
| آبادي (2017) | |
| • ڪل | 10,619 |
ڪائونسل
سنواريويونين ڪاؤنسل جو عملدار يو سي سيڪريٽري آھي جيڪو آفيس جو سمورو رڪارڊ رکندو آهي ۽ دفتري پيش رفت ڪندو آهي. ھن ڪائونسل جا چار جنرل ڪائونسلر آھن جن جي سڌي چونڊ ٿيندي آهي. ڪائونسل شادي يا نڪاح جي رجسٽريشن ، ڄمڻ ۽ مرڻ جي رجسٽريشن جو رڪارڊ رکندي آھي. 2015 جي بلدياتي اليڪشن م ھن يو سي مان چيئرمين محمد رحيم ميتلو ۽ وائيس چيئرمين شاھد حسين جھتيال چونڊجي آيا جن جو تعلق پاڪستان پيپلزپارٽي سان ھيو[2]..ڪائونسل جي ڊسٽرڪٽ ڪائونسل ۾ نمائندگي لاء ڊسٽرڪٽ ڪائونسل جو ھڪ علحده ميمبر سڌي ريت چونڊيو ويندو آهي. ھن ڪائونسل مان 2015 جي بلدياتي اليڪشن م ڳوٺ پير بخش بروهي جو عبدالغفور ڊسٽرڪٽ ڪائونسل لاءِ ھن ڪائونسل مان ميمبر چونڊيو ويو جيڪو پاڪستان پيپلزپارٽي جو اميدوار ھيو
تعليم ۽ صحت جون سهولتون
سنواريوھن ڪائونسل جي ڳوٺن ۾ پرائمري تعليم جي سھولت ميسر آهي. مڊل سيڪنڊري ۽ ھائر سيڪنڊري ايجوڪيشن لاء ڪوبه تعليمي ادارو ڪانہ آھي. صحت جي سھولتن لاء ھن يو سي ۾ ڪو به سرڪاري ادارو ڪانه آهي.
ڪائونسل جي بجيٽ ۽ ترقياتي ڪم
سنواريوڪائونسل ۾ آبادي ۽ سھولتون
سنواريوھتي پيئڻ لاء رڳو جر جو پاڻي ميسر آهي. ھن يو سي جون زرعي زمينون اپت واريون، زرخيز ۽ آباد آھن.