ٻير شريف

يو سي 19 ٻير(انگريزي: U C 19 Ber ) سنڌ جي ضلعي قمبر شھدادڪوٽ جي ھڪ يونين ڪائونسل جو نالو آهي جيڪا قمبر تعلقي ۾ واقع آهي. ان کي تعلقي قمبر جي يو سي 8 پڻ چوندا آهن. ان جي ڪل آبادي 15,401 آهي . ھن يونين ڪاؤنسل ۾ ٻير شريف ھڪ وڏو ڳوٺ ۽ ان يو سي جو صدر مقام آھي. جنھن جي آبادي 2456 آھي. ھن يو سي جي حدن م رھندڙ آبادي ۾ تونيا، جوڻيجا، راھوجا، بروھي، ۽ ٻيا شامل آھن. ھن يو سي جي ڳوٺن ۾ ٻير شريف ، راھوجا ڳوٺ، ڳوٺ بگو جوڻيجو، حني، صوبيدار احمد خان شامل آهن.

ٻير شريف يو سي 19 ٻير
يونين ڪاؤنسل
قمبر تعلقي جي يو سي 8
ٻير شريف ٻير شريف سنڌ ۽ پاڪستان ۾ مقام
جاگرافي بيهڪ: 27°33′33″N 67°56′57″E
ملڪ	پاڪستان
صوبو	سنڌ
ضلعو	قمبر شھدادڪوٽ ضلعو
تعلقو	قمبر تعلقو
ٿاڻو	ڊگھ ٿاڻو
آبادي (2017)
• ڪل	15,401

ڪائونسل

يونين ڪاؤنسل جو عملدار يو سي سيڪريٽري آھي جيڪو آفيس جو سمورو رڪارڊ رکندو آهي ۽ دفتري پيش رفت ڪندو آهي. ھن ڪائونسل جا چار جنرل ڪائونسلر آھن جن جي سڌي چونڊ ٿيندي آهي. ڪائونسل شادي يا نڪاح جي رجسٽريشن ، ڄمڻ ۽ مرڻ جي رجسٽريشن جو رڪارڊ رکندي آھي. 2015 جي بلدياتي اليڪشن م ھن يو سي مان چيئرمين فياض احمد تونيو ۽ وائيس چيئرمين عبدالنبي تونيو چونڊجي آيا جيڪي پيپلزپارٽي جا اميدوار ھيا ۽ بنا مقابلي کٽي آيا. ڪائونسل جي ڊسٽرڪٽ ڪائونسل ۾ نمائندگي لاء ڊسٽرڪٽ ڪائونسل جو ھڪ علحده ميمبر سڌي ريت چونڊيو ويندو آهي. ھن ڪائونسل مان 2015 جي بلدياتي اليڪشن م ڳوٺ راھوجا ڳوٺ جو پيپلز پارٽي جو خادم حسين راھوجو ڊسٽرڪٽ ڪائونسل لاءِ ھن ڪائونسل مان ميمبر چونڊيو ويو.

صحت ۽ تعليم جون سهولتون

ھن ڪائونسل جي ڳوٺن ۾ پرائمري ۽ مڊل تعليم جي سھولت ميسر آهي سيڪنڊري ۽ ھائر سيڪنڊري ايجوڪيشن لاء ڪوبه تعليمي ادارو ڪانہ آھي.

ڪائونسل ۾ آبادي ۽ سھولتون

ھتي پيئڻ لاء رڳو جر جو پاڻي ميسر آهي. ٻير شريف ديوبندي بزرگ مولانا عبدالڪريم قريشي جي ڳوٺ ھجڻ ڪري مشھور آھي جيڪو جمعيت علماء پاڪستان جو نائب امير يا وائس چيئرمين ھيو ۽ سندس مقبرو اتي واقع آهي. ھن يو سي جون زرعي زمينون اپت واريون، زرخيز ۽ آباد آھن. ٻير شريف جي اتر م چانگرو ڍنڍ ۽ کاھي مينھون يا ڊگھ ڍنڍ واقع آهي.