ارجن
ارجن (سنسڪرت: अर्जुन, IAST: Arjuna)، جنهن کي پارٿا ۽ ڌننجيا به چيو ويندو آهي، هندستاني مهاڪٿا مهاڀارت جي اهم ڪردارن مان هڪ آهي ۽ ٻين پراچين هندو شاسترن ۾ به نظر اچي ٿو، جنهن ۾ ڀڳوت پُراڻ به شامل آهن. مهاڪڀا ۾، هو راجا پانڊوَ جي پنج پانڊوَ پٽن مان ٽيون نمبر پُٽ آهي.[1][2] گهراڻو ڪوروَ سلطنت جي شاهي سلسي جو حصو بڻيو. مهاڀارت جي جنگ ۾، ارجن پانڊوَ طرفان هڪ اهم ويڙهاڪ هو ۽ هِن ڪرنَ سميت ڪيترن ئي ويڙهاڪن کي ماريو هو. جنگ جي شروعات کان اڳ، سندس گُرو، ڪرشن، کيس اخلاقي مونجهارن تي سوڀارو ٿيڻ لاءِ ڀگوت گيتا جي مهان ڄاڻ ڏني.[3][1][4][2][5]
| ارجن Arjuna | |
|---|---|
 بالي، انڊونيشيا ۾ ارجن، ماهر پانڊوَ جو بت | |
| Personal Information | |
| جنس | Male (Enunch at Agyatvasa) |
| عنوان | Gandivadhari |
| لاڳاپو | |
| هٿيار | ڪمان ۽ تير |
| ڪٽنب | ماءُ پيءُ
|
| جيون ساٿي | |
| ٻارڙا |
|
| رشتيدار | |
زندگي ۽ ڪهاڻيون
سنواريو
ڄم ۽ شروعاتي زندگي
سنواريوارجن پانڊوَ راجا جي پنج پُٽن ۾ ٽيون نمبر پُٽ هو، جيڪو راڻيءَ ڪُنتيءَ (ماتا ڪنتي) جي ڳرڀ مان پيدا ٿيو هو.[1] هن لڙائيءَ جي سکيا پنهنجي گُرو دروڻ آچاريه کان ورتي ۽ تيراندازيءَ ۾ پڻ هن اهم مهارت حاصل ڪئي، جنهنڪري هن سويمبر ۾ دروپديءَ کي کَٽيو هو.[1] هن جُوا ۾ دروپديءَ کي هارائڻ جي نتيجي ۾ پانڊوَ ڀائرن کي ٻارهن سال بنواس ڀوڳڻو پيو، جنهن دوران سمورو وقت ارجن پنهنجي ڀائرن سان گڏ رهيو.[1] تيرهن سالن اندر ڪوروَن ۽ پانڊوَن جي وچ ۾ ڪروڪيشتر‘يا ڪرو کيتر جي ميدان ۾ جنگ لڳي، ان جنگ کي مهاڀارٿ سڏين ٿا.[1] ان جنگ ۾ شري ڪرِشنَ پانڊوَن جي پاسي هو ۽ ارجُن جو رٿڀان ٿيو.[1][4] ڪروکيتر جي جنگ ۾ ارجن پنهنجي سڀني مِٽن مائٽن ۽ سئوٽن کي پنهنجي مقابلي ۾ ڏسي، جنگ مان هٿ ڪڍڻ جو ارادو ڪيو، پر ڪِرشنَ مهاراج کيس ڀڳوت گيتا جا اُپديش ڏنا ۽ هن کي لڙائي وڙهڻ جي لاءِ هامَ ڀرائي.[1][4] ان لڙائيءَ ۾ ڪوروَن جا وڏا طرفدار، ڀيم سين، جئيدرٿ ۽ ڪَرَن مارجي ويا ۽ پانڊوَن جي سوڀ مِلي.[1] انکاپوءِ ارجن ڪيتريون ئي لڙايون ڪري، پنهنجي حڪومت کي گجرات کان وٺي ڪاٺياواڙ ۽ دکن تائين وَڌايو. عمر جي پڇاڙيءَ ۾ ارجن هماليا جي جهنگلن ڏانهن هليو ويو ۽ اُتي ئي پرلوڪ پَڌاري ويو.[1]
حوالا
سنواريو- ↑ 1.00 1.01 1.02 1.03 1.04 1.05 1.06 1.07 1.08 1.09 "ارجن : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2021-11-08.
- ↑ 2.0 2.1 "پانڊوَ : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2021-11-08.
- ↑ Davis, Richard H. (26 October 2014) (en ۾). The Bhagavad Gita. ISBN 978-0-691-13996-8. https://press.princeton.edu/books/hardcover/9780691139968/the-bhagavad-gita.
- ↑ 4.0 4.1 4.2 "ارجن ڪرشن : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2021-11-08.
- ↑ "ڀـڳـوت گيتا | Online Sindhi Dictionaries | آن لائين سنڌي ڊڪشنريون". dic.sindhila.edu.pk. حاصل ڪيل 2021-11-08.