آچر

آچر هفتي جوستون ۽ آخري ڏينهن ۽ تقريبن دنيا جي سڀني ملڪن ۾ هن ڏينهن تي عام موڪل هوندي آهي. آچر ڇنڇر ۽ سومر جي وچ وارو ڏينهن آهي.

لفظ آچر

آچر = هن ڏينهن جو نالو جو بنياد سنسڪرت لفظ آدتيه مان ورتل آهي جنهن جو مطلب سج آهي. علم نجوم ۾ هن ڏينهن جو گرھ سج آهي. جيڪو اردو ۾ آدتيه وار مان تبديل ٿيندو اتوار ٿي ويو آهي. هندي ۾ هن ڏينهن جو نالو پڻ رَوِي - سورِيا ديوتا (سج جو ديوتا) جي نالي سان منسوب آهي ۽ ان کي رَوِي وار چوندا آهن.

شيخ اياز پنهنجي ڪويتا ۾ آچر کي آڏيت پڻ ڪوٺيو آهي.

آچر< آڏيت < اڏتوار< آدِتيوار< آدِتيه (سنسڪرت) =

سنڌي ماڻهو آچر نالو پڻ رکن ٿا.
عيسائيت ۾ آچر جي مقدس حيثيت آهي. پاڪستان ٺهڻ کان پوءِ آچر تي موڪل هوندي هئي، جيڪا ذوالفقار علي ڀٽو پنهنجي دؤر ۾ بدلائي جمعو ڪري ڇڏي. بعد ۾ ميان محمد نواز شريف ان کي وري بحال ڪري ڇڏيو جيڪا اڃا تائين بحال آهي.

انگريزي Sunday

انگريزي ۾ ساڳي نسبت سان Sunday سنڊي (سج جو ڏينهن) آهي.جنهن کي منڍ ۾ پراڻي رومي مذهب Sól / Sunna / Sunne سول نالي سان سڏيو ويندو هو پر پوءِ جرمنيڪ ماڻهن Sunday جي نالي سان منسوب ڪيو ويو. اولھ جي ملڪن ۾ ڇنڇر ۽ آچر ويڪ اينڊ جو حصو آهي.

سج Sun + وار = ڏينهنday.

گيلري

• 
  سج (تارو)
• 
  سج جي تصوير
• 
  روي (سوريا ) ديوتا جي مورتي دهلي ائيرپورٽ
• 
  روي (سوريا) ديوتا جي تصوير
• 
  روي (سوريا) ديوتا جو مندر
• 
  سوريا مندري گَولِي يار
• 
  Sunne / Sol d ديوتا