کٻريڙو
ديھ کٻريڙو(انگريزي: Deh Khabrero) سنڌ جي ضلعي قمبر شهدادڪوٽ جي قمبر تعلقي جي ھڪ ديھ جو نالو آهي جيڪا دوآبو تپي ۾ واقع آهي.
| کٻريڙو (قمبر) ديھ کٻريڙو | |
|---|---|
| ديھ | |
| Deh Khabrero | |
  کٻريڙو (قمبر)  کٻريڙو (قمبر) | |
| جاگرافي بيهڪ: 27°36′43″N 68°05′31″E / 27.61194°N 68.09194°E | |
| ملڪ |  پاڪستان |
| صوبو | سنڌ |
| ضلعو | قمبر شهدادڪوٽ ضلعو |
| تعلقو | قمبر تعلقو |
| آبادي (2017)[1] | |
| • ڪل | 5,011 |
تاريخ
سنواريوبورڊ آف روينيو سنڌ جي رڪارڊ ۾ موجود برٽش انڊيا واري دؤر جي ھن ديھ جي نقشي مطابق ھن ديھ ۾ ڳوٺ پير بخش کھاوڙ، ڳوٺ غازي خان کھاوڙ جنھن جي لڳ ميان شاھل محمد جو مقام، ڏاھرين جو ڳوٺ، ڳوٺ مائري، ڳوٺ شير علي ڀٽي واقع ھيا ۽ ڏکڻ اوڀر واري ڪُنڊ تي بنگلو واقع ھيو. ھاڻي اتي ڪافي تبديلي اچي وئي آھي. ھن وقت اتي واقع ڳوٺ جا نالا ڳوٺ شريف ڀٽو، ڳوٺ حبيب الله مغيري، ڳوٺ دوست محمد مغيري، ڳوٺ صاحب ڪلھوڙو ۽ ڳوٺ ناري ڪلھوڙو، ڳوٺ سلمان بن فارس، ڳوٺ ٻيلو مغيري آھن باقي پراڻا ڳوٺ ھاڻي ختم ٿي يا انھن جا نالا مٽجي چڪا آهن. ميان شاھل محمد ڪلھوڙو جو مقبرو ھن ديھ م واقع آهي.
جاگرافي
سنواريوھن ديھ جي اتر ۾ ديھ پيروز ڀٽي ۽ ديھ ڀرمي، اوڀر ۾ ديھ ميھيون، اولھ ۾ ديھ جيڻ ابڙو ۽ ڏکڻ ۾ ديھ ايلچي ء ديھ دوآبو واقع آهن. ھن ديھ جي مڪمل روينيو سروي ٿيل آھي. ھن ديھ جي اتر اولھ وارن دنگن تي ڪور ڏاتو ۽ ڏکڻ واري دنگ تي نورواھ وھندڙ آھن.
آبادي
سنواريو2017 جي آدمشماري مطابق ھن ديھ جي ڳوٺن جي ڪل آبادي 5,011 ھئي جيڪا 771 خاندانن تي مشتمل ھئي.[1].