ڏکڻ آسٽريليا
ڏکڻ آسٽريليا(انگريزي: South Australia ) آسٽريليا جي ھڪ رياست جو نالو جيڪا آسٽريليا جي وفاق ۾ شامل آھي جنھن ڪري ان کي فيڊريٽيڊ رياست پڻ چوندا آهن. اھا رياست آسٽريليا جي وچ ۽ ڏکڻ وارو حصي تي مشتمل آهي. آسٽريليا جو سڀ کان وڏو بنجر علائقو ھن رياست ۾ واقع آهي. ڏکڻ آسٽريليا جي پکيڙ 983٬482 ڪلوميٽرزچورس (379٬725 sq mi) آهي ۽ اھا آسٽريليا جي پکيڙ ۾ چوٿين وڏي ۽ آبادي ۾ پنجين وڏي رياست آهي. رياست جي ڪل آبادي 17,60,000 آھي جنھن جو 77 سيڪڙو گاديءَ واري شھر ايڊيليڊ ۾ رھندڙ آھي جيڪو ھن رياست جو سڀ کان وڏو شھر آھي[1]. رياست جو ٻيون نمبر وڏو شهر مائونٽ گيمبيئر آھي جنھن جي آبادي 28,684 آهي. ھن رياست جون حدون اولھ ۾ اولھ آسٽريليا سان، اتر ۾ نادرن ٽيريٽري سان، اتراوڀر ۾ ڪئينسلينڊ سان، اوڀر ۾ نيو سائوٿ ويلز سان ۽ ڏکڻ اوڀر ۾ وڪٽوريا سان ملن ٿيون. رياست جي ڏکڻ ۾ گريٽ آسٽريلين اپسمنڊ واقع آهي.
| سائوٿ آسٽريليا | |||
|---|---|---|---|
| رياست | |||
| |||
| عرفيت: شادياني واري رياست شراب واري رياست | |||
 آسٽريليا ۾ ڏکڻ آسٽريليا نمايان ڏيکاريل | |||
| جاگرافي بيهڪ: 30°S 135°E / 30°S 135°E | |||
| ملت |  آسٽريليا | ||
| رياست | ڏکڻ آسٽريليا | ||
| صوبائي حيثيت | حق محفوظ وارو دستاويز 19 فيبروري 1836 | ||
| ڪالوني جي حڪومت جي شروعات | 28 ڊسمبر 1836 | ||
| رياست جي حڪومت جو قيام | 22اپريل 1857 | ||
| آسٽريليا جو وفاق | 1901 | ||
| آسٽريليا جو ايڪٽ 1986 | 3 مارچ 1986 | ||
| گادي جو هنڌ | ايڊيليڊ | ||
| وڏي ۾ وڏو شھر | ايڊيليڊ | ||
| ڪائونٽيون | 49 ڪائونٽيون | ||
| حڪومت | |||
| • قسم | آئيني بادشاهت | ||
| • مجلس | ڏکڻ آسٽريليا جي حڪومت | ||
| • گورنر | ھَييُو وَان لِي | ||
| • پريميئر | اِسٽِيوِن مَارشَل (لبرل پارٽي، آسٽريليا سائوٿ آسٽريليا واري شاخ) | ||
| پکيڙ | |||
| • ڪل | 1,043,514 ڪ.م2 (402,903 ميل2) | ||
| • زميني | 983,482 ڪ.م2 (379,725 ميل2) | ||
| • آبي | 60,032 ڪ.م2 (23,178 ميل2) | ||
| پکيڙ ۾ درجو | 4th | ||
| بلند ترین پیمائش (مائونٽ ووڊروف) | 1,435 ميل (4,708 ft) | ||
| گھٽ ترین پیمائش (ايئر ڍنڍ) | −16 ميل (−52 ft) | ||
| آبادي (مارچ 2020)[1] | |||
| • ڪل | 1,767,247 | ||
سائوٿ آسٽريليا جو گورنر آئيني بادشاهت جي تابع راڻي ايلزبيٿ ٻين برطانيا جو نمائندو ھوندو آھي[4] ڏکڻ آسٽريليا دولت مشترڪه آسٽريليا جي رڪن رياست آهي. ھن رياست جي پارليامينٽ ٻہ ايواني آھن جن ۾ ھڪ ھيٺيون ايوان: سائوٿ آسٽريلين اسيمبلي ھائوس؛ ۽ ٻيون مٿيون ايوان: سائوٿ آسٽريلين ليجسليٽو اسيمبلي شامل آهن. پارليامينٽ لاء چونڊ ھر چوٿين سال ٿيندي آهي. گذريل چونڊ 2018ع ۾ ٿي ھئي.
| سائوٿ آسٽريليا جي پارليامينٽ جي جوڙجڪ | ||
|---|---|---|
| پارٽي | اسيمبلي ھائوس | ليجسليٽو ڪائونسل |
| لبرل پارٽي (سائوٿ آسٽريليائي شاخ) | 24 | 8 |
| ليبر پارٽي (سائوٿ آسٽريليائي شاخ) | 19 | 8 |
| ايس اي بيسٽ | 0 | 2 |
| گرينس | 0 | 2 |
| آزاد | 4 | 1 |
| ايڊوانس سائوٿ آسٽريليا | 0 | 1 |
| ڪل | 47 | 22 |
| ذريعو: انتخابي ڪميشن سائوٿ آسٽريليا | ||
1896ع ۾ ڪالوني واري دؤر ۾ ڏکڻ آسٽريليا آسٽريليا جو پھريون ۽ دنيا اندر نيوزيلينڊ بعد ٻيو نمبر علائقو ھيو جتي عام چونڊن ۾ عورتن کي ووٽ جو حق ڏنو ويو[5] 1887ع کان ھيٺيون ايوان تہ عوام جي ووٽن سان چونڊيو ويندو ھو پر مٿئين ايوان جي چونڊ جي لاء ووٽ جو حق صرف ملڪيت وارن شھرين کي ھو آخرڪار 1973ع ۾ آسٽريليا جي ليبر پارٽي جي ڊان ڊنسٽن جي حڪومت سڌارا آڻي ووٽر لاء ملڪيت ھجڻ جو شرط ختم ڪري ڇڏيو ۽ ان ايوان جي اميدوارن جي چونڊ لاء سموري رياست جي ھڪ تڪ مان ٿيل چونڊ مان متناسب نمائندگي ذريعي ايوان جو چونڊ جو طريقو اختيار ڪيو ويو[6]. ڏکڻ آسٽريليا جو لوڪل گورنمينٽ وارو نظام 74 مڪاني ڪائونسلن تي مشتمل آهي جيڪي سائوٿ آسٽريليا جي پارليامينٽ طرفان نافذ ٿيل فرض سرانجام ڏينديون آهن جن ۾ روڊن جو انفراسٽرڪچر ۽ ڪچري جي شھرن مان نيڪال جا ڪم شامل آهن. ڪائونسلن جي آمدني ملڪيتن تي ٽيڪس ۽ حڪومتي گرانٽن تي مشتمل ھوندي آھي.
حوالا
سنواريو- ↑ 1.0 1.1 "National, state and territory population – March 2020". Australian Bureau of Statistics. حاصل ڪيل 24 September 2020.
- ↑ "Wordwatch: Croweater". ABC NewsRadio. وقت 15 September 2005 تي اصل کان آرڪائيو ٿيل. حاصل ڪيل 11 October 2011.
- ↑ "5220.0 – Australian National Accounts: State Accounts, 2018–19". Australian Bureau of Statistics. حاصل ڪيل 20 November 2019.
- ↑ سانچو:Cite AustLII.
- ↑ "Women's Suffrage Petition 1894: parliament.sa.gov.au" (PDF). وقت 29 March 2011 تي اصل (PDF) کان آرڪائيو ٿيل. حاصل ڪيل 2016-07-17. Unknown parameter
|url-status=ignored (مدد) - ↑ Dunstan, Don (1981). Felicia: The political memoirs of Don Dunstan. Griffin Press Limited. pp. 214–215. ISBN 0-333-33815-4.