زينت عبداللّٰه چنا
زمرو:dmy تاريخون استعمال Dmy تاريخون استعمال
| زينت عبداللٰه چنه | |
|---|---|
| مقامي ٻوليء ۾ نالو | زينت عبداللّه چنه |
| پيدائش | زينت 4 جنوري 1919 سيوھڻ, ڄامشورو, سنڌ, پاڪستان |
| وفات | 12 جولاء 1974 |
| ڌنڌو | ليکڪ |
| قوميت | پاڪستاني |
| مُکيه ڪم | ماروي ماھوار رسالي جي ايڊيٽر |
| جيون ساٿي | عبداللّٰه خان چنا |
زينت عبداللّٰه چنا (4 جنوري، 1919 - 12 جولاء 1974 ع) سيوهڻ، سنڌ، پاڪستان جي تعليمي ماهر ۽ ليکڪا هئي. هن جو شمار پاڪستان جي اوائلي سنڌي ليکڪائن ۾ ٿئي ٿو.
1947 ع ۾ننڍي کنڊ جي ورهاڱي کان پوء هن ماهوار ماروي رسالي جي ايڊيٽر جي حيثيت ۾ ڪم ڪيو. هڪ استاد جي حيثيت ۾ هن والدين کي پنهنجن ڇوڪرين کي تعليم ڏيارڻ لاءِ همٿايو. هوء استاد ۽ ڪهاڻيڪاره هئي. هن ڪيترائي مضمون ۽ مقالا پڻ لکيا.
ننڍپڻ ۽ ذاتي زندگي
سنواريوزينت عبداللّٰه چنا سنڌ جي مشهور شهر سيوهڻ ۾ ڄائي. هن جو پيء محمد صالح چنا ٽپال کاتي ۾ ملازم هو. هن جو ننڍو ڀاء محبوب چنا هڪ عالم ۽ نامور اديب هو. هن ابتدائي تعليم پنهنجي شهر سيوهڻ ۾ حاصل ڪئي ۽ وڌيڪ تعليم حيدرآباد جي ٽريننگ ڪاليج فار وومين (عورتن جي تعليمي سکيا واري ڪاليج) مان حاصل ڪيائين. تعليم پوري ڪرڻ کان پوءِ هن کي سيوهڻ ويجهو ٽلٽي شهر ۾ ماسترياڻي مقرر ڪيو ويو. هن گهڻو وقت سيوهڻ ۾ نياڻين کي تعليم جي زيور سان آراسته ڪيو ۽ نياڻين کي تعليم حاصل ڪرڻ لاءِ همٿائيندي رهي.
هن 13 هين آگسٽ 1944 تي عبدالله خان چنا سان شادي ڪئي. سندس گهر وارو سيوهڻ جو ڊپٽي ڪليڪٽر هو[1] . هو هڪ محقق ۽ اديب پڻ هو.
ادبي ڪاوشون
سنواريوزينت چنه 1947 ۾ننڍي کنڊ جي ورهاڱي کان پوء سنڌيء جي بهترين ڪهاڻيڪاره طور پاڻ مڃرايو. هن جون ڪهاڻيون ساهتي رسالن مهراڻ ۽ نئين زندگي ۾ ڇپيون. هن ڪجهه بهترين مضمون ۽ مقالا پڻ لکيا. هن جيڪي ڪهاڻيون لکيون تن ۾ رانديڪو، اونداهي ۽ مٺي پنهنجو مٽ پاڻ هيون. هن عورتن جي ماهوار رسالي مارئي جي ايڊيٽر طور پنهنجون خدمتون سرانجام ڏنيون. اهو رسالو عورتن ۾ تمام گهڻو مقبول هو. هن 1958ع ۾ يادگار لطيف جي نالي سان هڪ ڪتاب پڻ مرتب ڪيو.
موت
سنواريوهن 12 جولاء 1974 تي وفات ڪئي
حوالو
سنواريو"چنا زينت : (Sindhianaسنڌيانا)". www.encyclopediasindhiana.org (in Sindhi). Retrieved 21 March 2020.
"Sindhi Adabi Board Online Library (سنڌي ادبي بورڊ)". www.sindhiadabiboard.org. Retrieved 22 March 2020.
Sindhipeoples (15 April 2012). "سنڌي شخصيتون: جيجي زينت چنه سيوهاڻي - علي اصغر اوٺو". سنڌي شخصيتون. Retrieved 21 March 2020.
- ↑ "Sindhi Adabi Board Online Library (سنڌي ادبي بورڊ)". www.sindhiadabiboard.org. حاصل ڪيل 2020-03-22.