رتوديرو

رتودیرو شھر لاڙڪاڻي ضلعي جي تعلقي رتوديرو جو صدر مقام آهي. ھي شھر لاڙڪاڻي شھر کان 28 ڪلوميٽرن جي پنڌ تي آهي.

رتوديرو Ratudero
شھر
شاھ لطيف پبلڪ لائبريري رتوديرو
رتوديرو رتوديرو پاڪستان ۾ مقام
جاگرافي بيهڪ: 27°48′5″N 68°18′40″E
ملڪ	پاڪستان
صوبو	سنڌ
ضلعو	لاڙڪاڻو

تاريخ

ھن شھر جو پراڻو نالو رتن ديرو ھيو جيڪو بعد م رتوديرو ٿي ويو. ھن شھر جو بنياد ڪلھوڙن جي دور ۾ پيو. ايم.ايڇ پنھور پنھنجي مضمون ۾ سن 1701ع کان 1758ع تائين قائم ٿيل ٽن وسندين (جنھن ۾ وارھ بہ اچي وڃي ٿو). جي باري ۾ لکي ٿو:

”ٿڌ واري زماني جي حرارت ۾ ٿوري تبديلي آئي، ڪجهہ گرمي ٿي ۽ ڪلھوڙن پوکي راهي ڏهن لکن ايڪڙن مان وڌائي ٻاويھ لک ايڪڙ تائين پھچائي ۽ ماڻهن جي آبادي 14 لکن مان وڌي وڃي 30 لکن کي رسي. نوان شھر اُسريا، جن ۾ شھدادڪوٽ، قنبر، وارھ، ميھڙ، خيرپور ناٿن شاھ، ميرپور خاص، نئون خدا آباد (هالن جي ڀرسان)، شھدادپور، نوشھروفيروز، خانڳڙھ (جيڪب آباد)، فتح ڳڙھ، جوهي، دوست علي، رتن ديرو (رتو ديرو) ۽ وڳڻ شامل هئا.“

ھن شھر جي مونسپالٽي جو بنياد 1862ع ۾ پيو پر شروع ۾ ان جي ميمبرن کي نامزد ڪيو ويندو ھو پر 1935 واري گورنمينٽ آف انڊيا ايڪٽ ھيٺ بالغ راءِ دھي جي بنياد تي 1938ع ۾ چونڊون ڪرايون ويون. سال 1939ع ۾ ھڪ خانگي ڪمپني رتيديري ۾ پاور هائوس لڳايو جنھن مان شھر جي وڏن رستن تي بجليءَ جا بلب ٻرندا هئا ۽ ڪجهہ سرندي وارن کي بہ بجلي فراهم ٿيل ھئي. ان کان اڳ شھر ۾ رستن تي گاسليٽ تي ٻرندڙ فانوس لڳل ھيا جيڪي اسٽريٽ لائيٽ جو ڪم ڪندا ھئا.

بينڪاري نظام

رتوديري ۾ ھيٺيون بينڪون موجود آھن:

• حبیب بینڪ
• نیشنل بینڪ
• یونائيٽيڊ بینڪ
• مرڪز قومي بچت
• سنڌ بینڪ
• الائيڊ بينڪ

مشھور شخصيتون

• ذوالفقار علي ڀٽو
• بينظیر ڀٽو
• ممتاز ڀٽو
• میر مرتضيٰ ڀٽو سربراھ پاڪستان پیپلز پارٽي (شھيد ڀٽو)
• بشير قريشي سربراھ (جسقم)

ذريعا

• توھان جي گورنمينٽ آرڪائيو ڪيا ويا 2007-10-08 حوالو موجود آهي وي بيڪ مشين.
• رتوديرو ھوم پيج آرڪائيو ڪيا ويا 2016-09-16 حوالو موجود آهي وي بيڪ مشين.

ٻاھريان ڳنڍڻا

• لاڙڪاڻي ضلعي ۾ تعلقا ۽ يونين ڪائونسلون - گورنمينٽ آف پاڪستان