اي آر بلوچ
اي.آر. بلوچ (A.R.Baloch) سنڌ جو ناميارو اداڪار ۽ صداڪار هو. اي.آر.بلوچ جو پورو نالو عبدالرسول پٽ اميد علي شاهاڻي بلوچ هو. هن حيدرآباد ۾ واقع پڪي قلعي ۾ 15 مارچ 1923ع تي جنم ورتو.[1]
اي آر بلوچ ريڊيو ٽي وي ڊرامن جو ڄاتل اداڪار ۽ صداڪار هو. هن سنڌي ڊرامن ۾ پنهنجي منفرد آواز وسيلي الڳ سڃاڻپ جوڙي. هن کي فن جي دنيا ۾ اداڪار فريد نواز بلوچ آندو هو. اي آر بلوچ رائل ايئر فورس ۾ نوڪري به ڪئي. کيس ريڊيو پاڪستان، حيدرآباد تي انور بلوچ ۽ پاڪستان ٽيليويزن نيٽ ورڪ، ڪراچي تي عبدالڪريم بلوچ متعارف ڪرايو. اي.آر. بلوچ جو ٽي وي تي”خوابن جو سج“ پهريون ڊرامو هو. سنڌي فلمن "ليلي مجنون"، "بادل ۽ برسات" ۽ "رت ۽ اجرڪ" ۾ ڪم ڪيو. ڊرامن ۾ "ديوارين"، "جهنگل"، "هٿين لگل ميندي"، "دنگي منجھ درياھ" ۽ "ڪونج" اهم آهن. اي.آر. بلوچ ڊرامي "بخت خان" ۾ بهترين اداڪاري سبب شهرت ماڻي. هن جو آخري ڊرامو "ٽيپو سلطان" هو.[1]
لاڏاڻو
سنواريواي آر بلوچ کي فالج ٿيو ۽ ڪافي وقت اگھائيءَ ۾ گذاريائين. هيءُ 82 سالن جي ڄمار ۾ پهرين جولاءِ 2005ع تي الشفا اسپتال ڪراچي ۾ لاڏاڻو ڪري ويو.[1][2][3]
حوالا
سنواريو- ↑ 1.0 1.1 1.2 "اي آر بلوچ". SindhSalamat. حاصل ڪيل 2020-01-21.
- ↑ "BBC Urdu". www.bbc.com. حاصل ڪيل 2020-01-21.
- ↑ "New Page 1". www.thekawish.com. حاصل ڪيل 2020-01-21.