امام بري

امام بري
معلومات شخصيت
ڄم	سال 1617
موت	سال 1705 (87–88 سال)
شھريت	ننڍو کنڊ

مشهور بزرگ -امام- بريءَ جو اصل نالو شاهه عبداللطيف -بري- هو، هن ضلعي جهلم (پنجاب) ۾ 1617ع ۾ -جنم- ورتو، سندس والد جو نالو شاهه محمود هو. -امام بري- ننڍي هوندي کان عبادت ۽ رياضت ۾ مشغول رهندو هو. خاندان جي ڪجهه مخالف ماڻهن جي ڪري شاهه محمود پنهنجو اباڻو ڳوٺ ڇڏي -باغ- ڪلان علاقه گولڙا راولپنڊيءَ ۾ اچي رهائش پذير ٿيو، -جتي- هن پنهنجي فرزند -امام- بريءَ جي -تعليم- -جاري- رکي. -امام بري- عرفان ۽ علم حاصل ڪرڻ کان پوءِ حج ۽ مقدس زيارتن لاءِ روانو ٿيو. واپس اچڻ کان پوءِ موجوده -اسلام- -آباد- واري علائقي ۾ اچي رهائش اختيار ڪيائين ۽ اتي رهي رشد ۽ هدايت جو آغاز ڪيائين، سندس علم ۽ ڄاڻ مان لکين ماڻهو فيضياب ٿيا. سندن ڪوششن سان ئي هتي جي ٻن قبيلن ڍونڊن ۽ رسين -اسلام- قبوليو. سندس ڳوٺ ”چورپور“، هاڻي ”نورپور“ جي نالي سان مشهور آهي. ”حديقته الاولياءَ“ جو صاحب لکي ٿو ته: ”شاهه لطيف -بري- پنجاب جي بزرگن مان هڪ هو، سندس هزارين ڪرامتون مشهور آهن. هو وڏو عابد، زاهد، متقي، گوشه نشين ۽ هڏ ڏوکي هو. سندس هزارين مريدن مان وڏيون بزرگ هستيون ٿيون. سندس علم ۽ عرفان ڪمال درجي تي پهتل هو“. هن عظيم بزرگ هستيءَ پنهنجي ڳوٺ ۾ 964ھ/1556ع ۾ وفات ڪئي. سندس مقبرو آبپاره اسلام آباد ۾ موجود آهي، -جتي- اڄ به هر خاص ۽ عام زيارت لاءِ ايندا آهن.