احد جي جنگ

احد جي جنگ، جنگ بدر کان پوءِ نبي سڳوري ^{صلي الله علي وسلم} جي وڏي جنگ شوال 3ھ/23 مارچ 625ع ۾ لڳي، جنهن جا ذميدار قريش هئا، جن بدر واري جنگ جو بدلو وٺڻ لاءِ حملو ڪيو هو. نبي سڳوري جن ستن سَوَن اصحابين سان ڊاٻو ڪيو. قريش ٽن هزارن جي لشڪر سان گڏ الهندي طرف هئا. نبي سڳوري جن ننڍي ٽڪريءَ تي پنجاھ تيرانداز بيهاري ڇڏيا هئا ته جيئن اُهي اسلامي لشڪر جي حفاظت ڪن، ۽ کين تاڪيد ڪيائون ته ڪنهن به حالت ۾ پنهنجي جاءِ نه ڇڏين. قريشن پهرئين ئي حملي ۾ ڀاڄ کاڌي ته پاڻ سڳورن جا بيهاريل تيرانداز به پنهنجي جاءِ ڇڏي ميدان ۾ لهي آيا. قريشن اهو ڏسي موٽي اچي، انهيءَ هنڌان مسلمانن جي لشڪر تي حملو ڪيو، جنهنڪري مسلمانن کي سخت مالي ۽ جاني نقصان پهتو ۽ خود نبي سڳوري صلي الله عليه وسلم جن جا ٻه ڏند مبارڪ به شهيد ٿي پيا.

جنگ کي مسلمانن لاءِ هڪ اهم ڌڪ ۽ قريش لاءِ هڪ معمولي فتح جي طور تي ڏٺو ويو ڇاڪاڻ ته اهي خندق جي جنگ ۾ اڃا به وڏي طاقت سان واپس ايندا.

پڻ ڏسو

• مدينه منوره
• جبل احد
• غزوه بدر
• ابو دجانه رضي الله عنه
• ام حڪيم رضي الله عنھا
• اصحابن جي فهرست
• نبي ڪريم ﷺ جن جي مھمن جي فهرست

• ام ايمن (برڪه) اها عورت جيڪا جنگ احد ۾ موجود هئي