پاڪستان جي آئين ۾ ارڙھين ترميم
پاڪستان جي آئين ۾ ارڙھين ترميم (انگريزي: Eighteenth Amendment to the Constitution of Pakistan)، اپريل 8، 2010 تي پاڪستان جي قومي اسيمبلي پاس ڪئي۔ ارڙھين ترميم صدر وٽ موجود تمام ايگزيڪٽو اختيار پارليامان کي ڏنا، جيئن تہ وزيراعظم قائدِ ايوان (Leader of the House) ھوندو آھي ان ڪري وڌيڪ اختيار وزيراعظم وٽ آيا۔ ان کان علاوه پاڪستان جي اتر اولھ سرحد صوبي جو نالو تبديل ڪري خيبر پختونخوا رکيو ويو۔ وفاق کان گھڻا تڻا اختيار وٺي ڪري صوبن کي ڏنا ويا۔ ترميم جو بِل 15 اپريل 2010 تي پاس ٿيو جنھن تي صدرِ پاڪستان آصف علي زرداري 19 اپريل 2019 تي دستخط ڪئي تنھن بعد اھو بِل پاڪستان جي قانون ۾ شامل ٿي ويو. اھو پاڪستان جي تاريخ ۾ پھريون ڀيرو ٿيو تہ صدر پنھنجا ڪُجهہ اختيار رضا خوشيءَ سان پارليمان کي ڏِنا.
آئين ۾ ترميمون
سنواريوپاڪستان جي قانون ۾ ڪجهہ نوان نقطا شامل ڪيا ويا جن ۾ ھيٺيان نقطا بہ شامل آھن
- اڳوڻي صدرِ پاڪستان جنرل ضياءُ الحق جو نالو آئين جي متن مان خارج ڪيو ويو
- سرحد صوبي جو نئون نالو ”خيبرپختونخواھ“ رکيو ويو
- 17 ھين ترميم ۽ ليگل فريمورڪ آرڊر ختم ڪيو ويو جيڪو مشرف جي دؤر ۾ متعارف ڪرايو ويو ھو
- ٽيون ڀيرو وزير اعظم ۽ وزير اعليٰ ٿيڻ تان پابندي ختم ڪئي وئي