فٽبال
فٽبال مقبول راندين جو ھڪ ميڙ آھي جيڪي سڄي دنيا ۾ کيڏيون وڃن ٿيون. ھنن راندين ۾ ٻہ جٿا ھوندا آھن جيڪي پنھني مخالف پاسي ڏي ھڪ مستطيل شڪل جي لوھي بناوت ۾ بال اڇلائڻ (گول ڪرڻ) چاھيندا آھن. جڏھن تہ مخالف ان بال کي اوڏانھن وڃڻ کان بچائيندا آھن. اھڙي طريقي سان جنھن سڀ کان وڌيڪ بال ان بناوت ۾ اڇلايا اھو جٿو ڪامياب ٿيندو آھي. فٽبال انگريزي لفظن foot ۽ ball جو ميلاپ آھي، پھرين لفظ جي معنيٰ پير ۽ ٻي لفظ جي معنيٰ بال آھي. مطلب تہ ھنن راند ۾ عام طور تي بال کي پير سان اڳتي وڌايو ويندو آھي.
