فهيم شناس ڪاظمي
| فهيم شناس ڪاظمي | |
|---|---|
| معلومات شخصيت | |
| ڄم | 11 مَئي 1965 (59 سال)[1] شهيد بينظيرآباد ضلعو ،پاڪستان |
| شھريت |  پاڪستان
|
| عملي زندگي | |
| مادر علمي | سنڌ يونيورسٽي ڪراچي يونيورسٽي |
| تعليمي سندون | پي.ايڇ.ڊي. |
| پيشو | شاعر |
| ڪم جي ٻولي | اردو ،سنڌي ،پنجابي |
| آجر | ايس. ايم. آرٽس ڪاليج |
ترميم  |
|
ڊاڪٽر فهيم شناس ڪاظمي سنڌ جو شاعر، اديب، مترجم، صحافي ۽ استاد آهي .11 مئي 1965ع تي، نوابشاهه ۾ ڄائو. سندس خانداني نسبت ضلعي چڪوال جي صوفي بزرگ شاهه شرف جي خاندان سان ملي ٿي. سنڌ يونيورسٽيءَ مان ايم.اي (اردو ادب) ڪرڻ کانپوءِ سنڌ مسلم گورنمينٽ آرٽس ۽ ڪامرس ڪاليج ڪراچيءَ ۾ ليڪچرر مقرر ٿيو، جتان ترقي ڪندي پروفيسر جي عهدي تي پهتو. 2015ع ۾ اردوءَ جي مشهور شاعر عزيز حامد مدني جي شخصيت ۽ فن جي موضوع تي ڊاڪٽر شاداب احساني جي نگرانيءَ ۾ مقالو لکي ڪراچي يونيورسٽيءَ مان پي ايڇ ڊي جي ڊگري حاصل ڪئي.[2] جديد اردو نظم ۾ سندس سڃاڻپ نمايان آهي. سندس اردو شاعريءَ جا 3 مجموعا ”سارا جھان آئينه هي“ (1999ع)، ”خواب سي باهر“ (2009ع)، ”راهداري مين گونجتي نظم“ (2013ع) ڇپجي چُڪا آهن. اهڙيءَ طرح پاڻ سٺو مترجم به آهي. هن سنڌي ۽ ٻين ٻولين مان ترجما پڻ ڪيا آهن ته ڪجهه ڪتابن کي ترتيب ۽ ايڊٽ به ڪيو آهي، جن ۾: ”سنڌ ڪي آواز“ (جي. ايم سيد جو عدالتي بيان: 2002ع)، ”سارتر ڪي بيمثال افساني“ (2012ع)، ”سارتر ڪي مضامين“ (2012ع)، ”تيري عشق ني مالا مال ڪيا هي“ (صابر ظفر جي گيتن ۽ غزلن جو انتخاب:2004ع)، ”بوئي گل نالئه دل“ (شيخ اياز جي شاعري، جلد پهريون: 2010ع)، ”حلقئه ميري زنجير ڪا“ (شيخ اياز، جلد ٻيو: 2010ع)، ”زان پال سارتر ڪي انٽرويو“ (2016ع) شامل آهن. فهيم شناس ڪاظمي صحافت سان به لاڳاپيل رهيو آهي. هو سه ماهي ’اجرا‘ ڪراچي جو سب ايڊيٽر ۽ روزنامه ”جسارت“ ۽ روزنامه ”قومي اخبار“ ۾ ڪالم لکندو رهي ٿو. کيس ادبي خدمتن جي اعتراف طور ڪيترائي اوارڊ ۽ اعزاز ملي چُڪا آهن، جن ۾: ”آهٽ اوارڊ“ (بهترين شاعر: 2003ع)، ”جناح اوارڊ“ (بهترين شاعر ۽ نقاد: 2012ع)، ”نشان سپاس خانه فرهنگ ايران ڪراچي (2015ع) شامل آهن.
حوالا
سنواريو- ↑ https://www.rekhta.org/authors/faheem-shanas-kazmi
- ↑ "فہیم شناس کاظمی، پاکستانی کنیکشنز، برمنگھم برطانیہ". وقت 2016-03-23 تي اصل کان آرڪائيو ٿيل. حاصل ڪيل 2017-03-25. Unknown parameter
|url-status=ignored (مدد)