تنوير جوڻيجو
زمرو:dmy تاريخون استعمال Dmy تاريخون استعمال
| تنوير جوڻيجو | |
|---|---|
| پيدائش | 06 فيبروري 1954 مٺي، سنڌ، پاڪستان |
| ڌنڌو | ليکڪا |
| دور | 1977 کان هاڻي تائين |
| مُکيه ڪم | ڪهاڻيون، شاعري |
تنوير جوڻيجو (انگريزي: Tanveer Junejo؛ جنم: 06 فيبروري 1954ع) سنڌي ٻوليءَ جي ناليواري ڪهاڻيڪاره، شاعره، سنڌيڪار ۽ محقق آهي. پاڻ سنڌ يونيورسٽيءَ جي سماجيات واري شعبي جي پروفيسر ۽ چيئرپرسن طور پنهنجون خدمتون سرانجام ڏنيون.
ننڍپڻ ۽ تعليم
سنواريوتنوير جوڻيجو 06 فيبروري 1954ع تي ٿر جي مشهور شهر مٺيءَ ۾ اکيون کوليون. سندس والد جو نالو صلاح الدين جوڻيجو هو. پاڻ 1973ع ۾ سماجيات جي شعبي ۾ ماسٽر ڊگري حاصل ڪئي[1].
نوڪري ۽ ادبي ڪاوشون
سنواريوتنوير جوڻيجو پنهنجي پروفيشنل زندگيءَ جي ابتدا 1973ع ۾ سنڌ يونيورسٽيءَ ۾ اسٽوڊنٽ ويلفيئر آفيسر طور ڪئي. 1974ع ۾ سنڌ يونيورسٽيءَ جي سماجيات (سوشالاجي) شعبي ۾ ليڪچرار مقرر ٿي. سڄي ڄمار انهيءَ شعبي سان سلهاڙيل رهي. نوڪريءَ دوران ساڳئي ئي شعبي ۾ ڊاڪٽريٽ جي سند حاصل ڪيائين. آخر ۾ هن شعبي جي پروفيسر ۽ چيئرپرسن طور رٽائر ڪيائين.
تنوير جوڻيجو ادبي دنيا ۾ پنهنجو هڪ خاص مقام رکي ٿي. هن هيٺيان ڪتاب لکيا آهن[2]:
- امرت منجھ ڪڙاڻ (ڪهاڻيون)، 1978ع
- عيبن هاڻي (ڪهاڻيون)، 1981ع
- ٻارن لاءِ چونڊ ڪهاڻيون (ترجمو) 1985ع
- ڌمڪ ڌم (ٻارن جا گيت ـــ ترجمو)
- قديم آثارن وارا ماڳ (تحقيق) 1986ع
- سماجيات جا اصول (تدريس) 1981ع
- سماجيات جي لغت
- عورت، سماج ۽ ڏاڍ، 2004ع
تنوير جوڻيجو ريڊيو پاڪستان حيدرآباد جي مختلف پروگرامن ۾ هڪ ميزبان ۽ ليکڪا طور حصو ورتو.
حوالا
سنواريو- ↑ "تنوير جوڻيجو : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2020-03-20.
- ↑ ماهوار سرتيون، جلد ٽيون، جولاءِ ڊسمبر 1992ع، سنڌي ادبي بورڊ