تاولين سنگھ
تاولين سنگھ (پنجابي: ਤਵਲੀਨ ਸਿੰਘ؛ انگريزي: Tavleen Singh) (جنم: 1950) ڀارت جي مشهور ڪالم نگار، سياسي نامانگار ۽ ليکڪا آهي. سال 2014 جي ڀارتي عام ڇونڊن ۾ نريندر مودي جي زبردست حامي رهي آهي ۽ ان جي حق ۾ ڪالم ۽ مضمون لکندي رهي هئي پر نريندر مودي جي وزير اعظم ٿيڻ کانپوءِ ان جي پاليسين ۽ منصوبن سان تاولين سنگھ جلد ئي اختلاف جو اظهار ڪيو ۽ ان جي مخالف صحافي جي حيثيت سان مشهور ٿي هئي. نريندر مودي بابت پنهنجي ويچار ۽ نظرين جي تبديل ڪرڻ کانپوءِ تاولين سنگھ سال 2020 ۾ "Messiah Modi: A Tale of Great Expectations" جي عنوان سان هڪ ضخيم ڪتاب لکيو، جنهن ۾ هن وڏي تفصيل سان مودي کان پنهنجي آسَ (اميد) ۽ وري پوءِ پنهنجي بيزاري جا ڪارڻ لکيا آهن.
| تاولين سنگھ | |
|---|---|
 | |
| پيدائش | 1950 (عمر 73–74) مسوري، اتراکنڊ، ڀارت |
| ڌنڌو | قلم ڪار ۽ ڪالم نگار |
| اولاد | آتش تاثير |
سوانح
سنواريوسال 1950 ۾ مسوري جي هڪ سنگھ خاندان ۾ تاولين سنگھ جنم ورتو هيو.[3] ويلهم گرلز ڪاليج]] کان تعليم حاصل ڪرڻ کانپوءِ سال 1969 ۾ نيو دهلي پولي ٽيڪينڪ منجهان صحافت جو مختصر مدتي ڪورس مڪمل ڪيائين ۽ گڏوگڏ ئي سينٽ بيڊز ڪاليج، شملہ منجهان پنهنجي گريجوئيشن پڻ پوري ڪيائين. ڀارت ۾ تعليم جو سلسلو پورو ڪرڻ کانپوءِ تاولين سنگھ سلائو (انگلستان) جي "ايويننگ ميل" اخبار سان پنهنجي پيشوراڻي زندگي جي شروعات ڪئي. ان اخبار ۾ هن ويسٽ منسٽر پريس/ٽامپسن ٽريننگ اسڪيم جي تحت اڍائي سال گزاريا.
سال 1974 ۾ هيءَ دي اسٽيٽسمين جي ڪالم نگار جي حيثيت سان ڀارت واپس موٽي آئي هئي.تنهنکانپوءِ هيءَ 1982 ۾ هن دي ٽيلي گراف ۾ شموليت اختيار ڪئي جتي هيءَ خاص ڪالم نگار هئي. سال 1985 ۽ پوءِ 1987 ۾ هيءَ لنڊن جي سنڊي ٽائمز جي ڏکڻ ايشيائي ڪالم نگار پڻ رهي آهي. تنهنکانپوءِ تاولين سنگھ فري لانس صحافت ۾ پيرَ رکيا ۽ انڊيا ٽوڊي ۽ دي انڊين ايڪسپريس ۾ ڪلم نگاري شروع ڪيائين.
سال 1990 ۾ پلس چينل جي ديلي بيورو جي سربراهہ بڻجي وئي ۽ ٻہ وڊيو رسالا "پيپل پلس" ۽ "بزنس پلس" پيش ڪيائين. اهڙي ريت اسٽار پلس تي هن "هڪ ڏينهن جيون" نالو سان هندي پروگرام پڻ ڪيا، جيڪو هفتيوار هلدنو هيو. ان سان گڏوگڏ دي انڊين ايڪسپريس ۽ دي هتواد جي آچر جي ڇپائتي ڇاپن ۾ پڻ لکندي رهي هئي.[4] سال 1988 ۾ تاولين سنگھ کي نامياري ناري صحافي لاءِ چميلي ديوي جين ايوارڊ سان نوازيو ويو.[5]
ذاتي زندگي
سنواريوتاولين سنگھ جي پهرئين شادي پاڪستان جي اڳوڻو سياستدان، پنجاب پاڪستان جو اڳوڻو گورنر سلمان تاثير سان ٿي هئي ۽ مشهور صحافي آتش تاثير پيدا ٿيو هيس.[6][7] سلمان تاثير کان الڳ ٿيڻ کانپوءِ هن ڀارت جي معروف صنعتڪار اجت گلاب چند سان شادي ڪئي.[8]
لکڻيون
سنواريو- Kashmir: A Tragedy of Errors. Viking, 1995. ISBN 0-14-025078-6.
- Lollipop Street: Why India Will Survive Her Politicians. Viking, 1999. ISBN 0-670-88838-9.
- Fifth Column. Viking, ISBN 0-670-08135-3.
- Political and Incorrect: The real India, warts and all . Harpercollins. 2008. ISBN 81-7223-712-X.[9]
- Durbar. Hachette, 2012. ISBN 978-93-5009-444-0.
- India's Broken Tryst. Harpercollins, 2016. ISBN 978-9351777571
- Messiah Modi: A Tale of Great Expectations, 2020
حوالا
سنواريو- ↑ "A son in search of his father". Mid Day.
- ↑ Interview Tavleen Singh on Newslaundry - I Agree with Tavleen Singh يوٽيوب تي.
- ↑ "A Son's Journey: Aatish Taseer". The Economic Times. وقت 5 March 2016 تي اصل کان آرڪائيو ٿيل.
- ↑ Tavleen Singh Indian Express.
- ↑ Mass Media in India. Publications Division, Ministry of Information and Broadcasting, Government of India. 1990. p. 24.
- ↑ "A son in search of his father". Mid Day.
- ↑ "UK author calls India citizenship loss 'sinister'". 8 November 2019. https://www.bbc.com/news/world-asia-india-50342314. Retrieved 8 November 2019.
- ↑ Interview Tavleen Singh on Newslaundry - I Agree with Tavleen Singh يوٽيوب تي.
- ↑ Tavleen Singh’s latest book compiles contemporary history فنانشل ايڪسپريس, 22 July 2008.