الھوسايو نظاماڻي

سنڌ ڌرتي جتي دنيا کي سيوهڻ شهر جو رهواسي عالم چنا جِهڙو دراز قد انسان ۽ هوسڙي شهر جي ڪائونسلر حاجي خان جهڙو ننڍڙي قد وارو ماڻهو ڏنو، اتي هن الهه وسائي شيديءَ جهڙي گهڻ کائو انسان کي به جنم ڏنو آهي، جيڪو پنگريي، ضلعي بدين جو رهاڪو آهي. الهه وسايو شيدي، ڌار ڌار وقتن تي هڪ مڻ ونگا، ڏهه سير گدرا، ڏهه سير انگور، سائي گاهه جون ڏهه ويڙهيون، 30 ڪڪڙيون، 6 ڪلو گوشت، 100 ڪوپ چانهه ۽ 50 کن بوتلون (گڏي) کائي ۽ پي سگهندو هو! اخبارن موجب هن کي هزارين ماڻهن پنهنجي اکين سان ايترو کائيندي ڏٺو. تازو وفات ڪري ويو آهي.