ٽم ڪُڪ
ٽموٿي ڊونلڊ ڪُڪ (پيدائش نومبر 1، 1960)[3] آمريڪي واپاري ۽ صنعتي انجنيئر آھي. ڪُڪ ايپل انڪارپوريشن جو چيف آيگزيڪيوٽو آفيسر آھي، ان کان اڳ ھي اسٽيوو جابز جي ذيلي عھدي چيف آپريٽنگ آفيسر طور ايپل ۾ پنھنجيون خدمتون سرانجام ڏيئي چڪو آھي.[4]
| ٽم ڪُڪ | |
|---|---|
 | |
| پيدائش | ٽموٿي ڊونلڊ ڪُڪ نومبر 1960 (عمر 63–64 سال) موبائيل، الاباما، آمريڪا جون گڏيل رياستون |
| رھائش | پالو آلٽو، ڪيليفورنيا، آمريڪا جون گڏيل رياستون |
| تعليم | آبرن يونيورسٽي (بي ايس) ڊيوڪ يونيورسٽي (ايم بي اي) |
| ڌڻي |
|
| پگھار | آمريڪي ڊالر 15.7 ملين (2018)[1] |
| آمدني | 1.3 ارب آمريڪي ڊالر(2015)[2] |
| سڃاڻپ نشان | |
 | |
ٽم ڪُڪ 1998ع تي اپيل ۾ عالمي آپريشنز جي سينئر نائب صدر طور داخل ٿيو، ھن کي بعد ۾ ترقي ڏئي عالمي واپار ۽ آپريشنز جو نائب صدر مقرر ڪيو ويو.[5] ھن کي 24 آگسٽ 2011ع تي اسٽوو جابز جي وفات کاناڳ اپيل جو چيف آيگزيڪيوٽو آفيسر مقرر ڪيو ويو.[6] ھن ان عھدي سنڀالڻ کان پوءِ سياسي اصلاحات، سائبرسڪيورٽي ۽ ٻين بنيادي انساني مسئلن بابت وڪالت شروع ڪئي.
2014ع تي ٽم ڪُڪ فارچيون 500 ڪمپينن مان پھريون چيف آيگزيڪيوٽو آفيسر ھو جنھن پڌرو ڪيو تہ ھو ھم جنس پرست آھي.[7] ڪُڪ نائيڪي انڪارپورشن جي بورد آف ڊائرڪٽر جو ميمبر پڻ آھي.[6] مارچ 2015ع تي ھن سندس سموري آمدني خيراتي ادارن کي ڏيڻ جو اعلان ڪيو.[8]
شروعاتي زندگي ۽ تعليم
سنواريوٽم آمريڪي شھر موبائيل الاباما ۾ 1 نومبر 1960ع تي پيدا ٿيو.[9][10] ٽم جو والد ڊونلڊ ھڪ شپ يارڊ ۾ ڪم ڪندو ھو. ھن امڙ جيلڊن فارميسي ۾ ڪم ڪندي ھئي.[9][11] ھن شروعاتي تعليم رابرٽسڊل ھاءِ اسڪول مان حاصل ڪئي. ھن بي ايس صنعتي انجنئرنگ جي سند آبرن يونيورسٽي مان 1982ع تي حاصل ڪئي.[12] ھن ايم بي اي جي ڊگري ڊيوڪ يونيورسٽي جي فوڪوا اسڪول آف بزنسز مان 1988ع تي حاصل ڪئي.[13]
پيشوراڻي زندگي
سنواريواپيل کان اڳ
سنواريوآبرن يونيورسٽي مان 1982ع تي بي ايس جي سند حاصل ڪرڻ کان پوءِ ھن 12 سال آئي بي ايم جي ذاتي ڪمپيوٽر جي واپار واري شعبي ۾ گذاريا، جنھن کان پوءِ ھن کي اتر آمريڪا جو ڊائريڪٽر مقرر ڪيو ويو.[5] ھي اھو وقت ھو جڏھن ٽم ڊيوڪ يونيورسٽي مان ايم بي اي جي سند حاصل ڪئي. ان کا پوءِ ھي انٽيلجنس اليڪٽرانڪس نالي اداري جي ڪمپيوٽر ريسيلر ڊويز جو چيف آپريٽنگ آفيسر طور خدمتون سرانجام ڏنيون، ھين1997ع تي ڪامپيڪ ۾ نوڪري اختيار ڪئي جتي ھن ڇھن مھينن لاءِنائب صدر طور خدمتون سرانجام ڏنيون.[14]
ايپل ۾
سنواريوشروعاتي دور
سنواريواسٽيوو جابز 1998ع ۾ ٽم کي ايپل ۾ اچڻ جي دعوت ڏني. ٽم آبرن يونيورسٽي ۾ خطاب دوران چيو تہ ھن اسٽوو جابز سان ملڻ کان پوءِ فيصلو ڪيو تہ ھو اپيل جو حصو ٿيندو:
جيڪڏھن ڏسجي تہ فائدا ڪامپيڪ ۾ وڌيڪ ملي رھيا ھئا. جيڪي ماڻھو مون کي سڃاڻين پيا انھن صلاح ڏني تہ آئون ڪامپيڪ کي نہ ڇڏيان. 1998ع جي ان ڏينھن ۾ پنھنجي دل جو آواز ٻڌو، مون نہ دماغ جو کاٻو پاسو استعمال ڪيو ۽ نا ئي دوستن کان صلاح ورتم... اسٽيوو جابز سان انٽرويو جي پھرين پنجن منٽن ۾ مون فيصلو ڪري ورتو تہ مونکي ايپل ۾ شامل ٿيڻو آھي.
ھن کي ايپل ۾ عالمي آپريشنز جي سينئر نائب صدر طور مقرر ڪيو ويو. ڪُڪ ھن عھدي تي رھي سمورن گدامن ۽ ڪارخانن کي بند ڪري اھي پيٽي ٺيڪيدارن جي حوالي ڪري ڇڏيا. جنھن کان پوءِ جيڪي شيون ايپل کي مھينن کان پوءِ ٺھي ملنديون ھيون اھي ھاڻ ڏينھن ۾ ملڻ لڳيون.
جنوري 2007ع ۾ ٽم کي ترقي ڏئي ليڊ آپريشنز مقرر ڪيو ويو. ۽ ھي 2009 ۾ چيف آيگزيڪيوو مقرر ڪيو ويو، سان وقت ٽم بيماري جي سبب موڪل تي ويل ھو، جنوري 2011ع تي ايپل جي بورڊ آف ڊائريڪٽرز ٽم جي ٽين موڪيل جي درخواست پڻ منظور ڪئي، ان وقت ٽم ايپل ۾ ھر ڏينھن جي ڪاروھنوار جو زميوار ھو.
ايپل جو چيف آيگزيڪيوٽو آفيسر
سنواريوايپل جي سي اِي او جڏھن استعفي ڏنو ۽ بورڊ جو چيئرمين ٿيو تہ 24 آگسٽ 2011ع تي ٽم ڪُڪ جو نالو سي اِي او لاءِ نامزد ڪيو ويو. ڇھہ ھفتا پوءِ، 5 آڪٽوبر 2011ع تي اسٽيوو جابز ڪينسر وگهي فوت ٿي ويو. 29 آڪٽوبر 2012ع تي ٽم ڪمپني جي اڳواڻن ۾ وڏي تبديلي آندي، ھن آئي او ايس جي سينئر نائب صدر اسڪاٽ فارسٽال استعفي ڏئي ڇڏي، ۽ کيس ٽم جو صلاحڪار مقرر ڪيو ويو جنھن کي 2013ع مان ڪمپني مان ڪڍيو ويو. ڪمپني سنڀالڻ کان ڇھہ مھينا پوءِ ھن ريٽئل جي نائب صدر کي پڻ ڪمپني مان ڪڍي ڇڏيو. فارسٽال جي عھدي کي ختم ڪري ان کي چئن عھدن ۾ ورھايو ويو، جنھن ۾ سر جوناٿن ايوو کي انٽرفيس، کي فيڊريگي کي سافٽويئر جو نائب صدر مقرر ڪيو ويو. ايڊي ڪيو کي نقشن ۽ سري جي زميواري ڏني وئي.
حوالا
سنواريو- ↑ "DEF 14A". ايس اي سي.
- ↑ Cowley, Stacey. "Apple gives Tim Cook $384 million stock grant". [سي اين اين]. حاصل ڪيل February 5, 2019.
- ↑ Brownlee, John. "Who Is Apple's New CEO Tim Cook? [Bio]". Cult of Mac. حاصل ڪيل November 13, 2017.
- ↑ Cotton, Katie; Dowling, Steve. "Steve Jobs Resigns as CEO of Apple: Tim Cook Named CEO and Jobs Elected Chairman of the Board" (Press release). Apple Inc. حاصل ڪيل November 13, 2017.
- ↑ 5.0 5.1 "Tim Cook". Forbes. حاصل ڪيل November 13, 2017.
- ↑ 6.0 6.1 "Investor Relations – Investors – Corporate Governance". Nike, Inc. حاصل ڪيل November 13, 2017.
- ↑ "Apple's Tim Cook Is First Fortune 500 to Come Out as Gay". NBCNews.com.
- ↑ "Tim Cook plans to donate $800m fortune to charity before he dies".
- ↑ 9.0 9.1 Michael Finch II: Tim Cook – Apple CEO and Robertsdale's favorite son – still finds time to return to his Baldwin County roots. AL.com, February 24, 2014.
- ↑ Weinberger, Matt. "The rise of Apple CEO Tim Cook, the leader of the first $1 trillion company in the US". Business Insider.
- ↑ "Tim Cook – Apple CEO and Robertsdale's favorite son – still finds time to return to his Baldwin County roots". AL.com.
- ↑ Portrait of New Apple CEO Tim Cook as a Young Auburn Student: The War Eagle Reader
- ↑ Love, Julia (January 14, 2009). "Fuqua grad takes reins at Apple". The Chronicle (Duke University). Archived from the original on March 28, 2015. https://web.archive.org/web/20150328090902/http://www.dukechronicle.com/articles/2009/01/15/fuqua-grad-takes-reins-apple. Retrieved February 11, 2011.
- ↑ "The genius of Steve". CNN. August 24, 2011. http://money.cnn.com/2011/08/24/technology/cook_apple.fortune/index3.htm?iid=EL. Retrieved October 4, 2013.
خارجي ڳنڍڻا
سنواريو| ڪاروباري عھدا | ||
|---|---|---|
| پيشرو اسٽيوو جابز |
ايپل جو سي اي او 2011–تاحال |
ھاڻوڪو عهديدار |