هاڪاري حاصلات

هاڪاري حاصلات (Haakaari Haaslaat) يا پازيٽيو سَم آئوٽ ڪم (Positive-Sum Outcome) اهڙي صورتحال کي چئبو آهي، جنهن ۾ ٿيندڙ فائدا لاڳاپيل هر ڌُر کي هاڪاري نتيجا ڏيندي، سندن اطمينان جوسبب بڻجي سگهن. ”سڀ جي فائدي“ واري صورتحال سبب، بين الاقوامي برادريءَ ۾ سهڪار ۽ تعاون لاءِ ماحول سازگار ٿئي ٿو ۽ عالمي سطح تي موجود مسئلا حل ڪرڻ ۾ مدد ملي ٿي. ان کان سواءِ قومن وچ ۾ لاڳاپن ۾ ناڪاري رجحان ختم ٿين ٿا ۽ سياست کان وٺي سائنس جي دُنيا ۾ شاندار اڳڀرايون ٿيڻ جوڳيون ٿين ٿيون. مثال طور، يورپ ۾ صنعتي انقلاب جي اچڻ سان پرڳڻي جي سڀني مُلڪن لاءِ ترقيءَ ۽ سک جا دروازا کولي ڇڏيا.