لوڪٽ
لوڪٽ(انگريزي: Loquat) يا لوڪئاٽ هڪڙو ننڍو، گهاٽو ۽ سهڻو وڻ آهي؛ جو اصل چين ۽ جاپان جو آهي، پر هندستان ۾ جتي ڪٿي ٿي سگهي ٿو. ميوو ننڍيءَ ناسپاتيءَ جهڙو ٿو ٿئيس ۽ ڇڳن ۾ ٿو ٿئي. هن جا به ڪي ٿورا قسم آهن، جي رنگ ۽ قد ۾ تفاوت رکن ٿا. ڪي مٺا ۽ ڪي کٽا ٿا ٿين. ڪن جا ککڙا وڏا ۽ ڪن جا ننڍا ٿا ٿين.
| لوڪٽ | |
|---|---|
| |
| لوڪٽ جا پن ۽ ميوو | |
سائنسي درجا بندي 
| |
| Unrecognized taxon (fix): | ايريوبوٽريا |
| جنس: | Template:Taxonomy/ايريوبوٽريا{. جيپونيڪا |
| حياتياتي نالو | |
| ايريوبوٽريا جيپونيڪا (ڪارل پيٽر ٿنبرگ) جان لنڊلي | |
| لوڪٽ | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| روایتي چیني | 盧橘 | ||||||||||||||||||
| آسان چیني اکر | 卢橘 | ||||||||||||||||||
| |||||||||||||||||||
| Modern Chinese name | |||||||||||||||||||
| چیني | 枇杷 | ||||||||||||||||||
| |||||||||||||||||||
هي ميوو ڏاڍو لذيذ ٿو ٿئي. خشڪ موسم ۾ ٿو ٿئي، تنهنڪري انهيءَ وقت جُجهو پاڻي ۽ پٽڙو ڀاڻ ڏيڻ ضروري ٿو ٿئيس. آڪٽوبر جي وچ ڌاري پاڙون اگهاڙيون ڪري هفتي کن تائين ڇڏي ڏجن، پوءِ منجهن پراڻو ۽ ڳائو ڀاڻ وجهي پوري ڇڏجن. تنهن کانپوءِ پاڻي ڏجين. لکنئو جي باغن ۾ ته هڪڙو هڪڙو لوڪٽ ٽن تولن جيڏو به ٿئي ٿو.
هي وڻ سال ۾ ٻہ ڀيرا ٻور جهلي ۽ گل ڪري ٿو. هڪڙو ڀيرو آگسٽ ۾، جڏهن ڦر نه ٿو جهلي ۽ ٻيو ڀيرو نومبر جي پڇاڙيءَ ۾. گل اُڀن ڇڳن ۾ ٿين ٿا ۽ جي اڇا ۽ خوشبودار ٿا ٿين. ميوو مارچ کان اپريل يا مئي تائين لهي ٿو. هي ميوو جهڙو ڪچي کائڻ ۾ لذيذ آهي تهڙو مربي ۾. وڻ اڪثر ٻج مان ٿين ٿا، جو تازو پوکڻ گهرجي، رکئي خراب ٿيو وڃي. عمدي قسم هٿ ڪرڻ لاءِ پيوند جو رستو بهتر آهي، جو جون ۽ جولاءِ ۾ ڪم آڻي سگهجي ٿو.
هن وڻ کي گهڻي ڇانگ جو ضرور ڪونهي. ننڍين شاخن جي سنڀال رکڻ گهرجي، جو گل اڪثر انهن جي چوٽين ۾ ٿيندا آهن.[1]
حوالا سنواريو
- ↑ ڪتاب: باغ ۽ باغباني؛ ليکڪ: مرزا قليچ بيگ؛ايڊيشن:1960؛پبلشر: سنڌي ادبي بورڊ ڄامشورو