قابل ڏاهري
| صحافي قابل ڏاھري | |
|---|---|
| معلومات شخصيت | |
| ڄم | 25 جنوري 1954ع شاھپور چاڪر ٫ سانگهڙ ٫سنڌ |
| تاريخ موت | 1 آگسٽ 1992ع |
| وجه موت | گڙدن جي بيماري |
| والدين | عبدالواحد ڏاھري |
ترميم  |
|
قابل ڏاھري: نامور اديب ۽ صحافي قابل ڏاهري 25 جنوري 1954ع تي شاهپور چاڪر ڀرسان ڳوٺ عمر ڏاهريءَ ۾ عبدالواحد ڏاهريءَ جي گهر ۾ جنم ورتو.[1]
تعليم
سنواريوپرائمري کان مئٽرڪ تائين شاهپور چاڪر ۾ پڙهيو. انٽر جي تعليم گورنمينٽ ڪاليج سانگهڙ مان حاصل ڪيائين. ڪاليج ۾ شاگرد يونين جي سرگرمين ۾ ڀرپور نموني حصو وٺي شاگردن جا مسئلا حل ڪرائيندو هو. هن صحافت ۽ سوشالاجي ۾ ايم.اي فرسٽ ڪلاس سيڪنڊ پوزيشن ۾ ڪئي.سنڌ يونيورسٽي مان ايم. اي ۽ پي. ايڇ. ڊي ڪئي.
صحافت جو پسمنظر
سنواريوهن شاگرديءَ واري زماني کان لکڻ شروع ڪيو ۽ اخبارن ۾ کليو سچ لکڻ ڪري تر جي هڪ وڏيري گهر تيپوليس جو ڇاپو هڻائي کيس گرفتار ڪرايو ۽ مٿس ڪيس هلائي کيس سينٽرل جيل ڪراچي ۾ رکيو ويو. ڪجهه عرصي بعد ڪورٽ کيس باعزت آزاد ڪيو، جنهن بعد حيدرآباد مان باقاعدي صحافت جي شروعات ”مهراڻ“ اخبار کان ڪيائين. جتيهن حُر تحريڪ بابت ڀرپور مضمون لکيا ۽ ڪافي ڄاڻ مهيا ڪئي ۽ گڏوگڏ هن سنڌ يونيورسٽي ۾ به داخلا ورتي. هو صبح جو يونيورسٽي ويندو هو ۽ شام جو پريس تي ڪم ڪندو هو. ان دوران هن ”حر تحريڪ جو سماجي جائزو“ عنوان هيٺ تحقيقي مقالو پڻ لکيو، هن ڪيترائي مضمون، مقالا، ترجما ۽ اخباري ايڊيٽوريل لکيا، جيڪي پسند ڪيا ويا. صحافت جي دنيا ۾ پاڻ بلڪل بي باڪ رهيو ۽ مظلومن سان وڏي همدردي هوندي هئس بنا ڪنهن لوڀ ۽ لالچ جي هن سنڌ ۽ سنڌي ماڻهن جي خدمت ڪندي زندگي گذاري قابل ڏاهري 1990ع ڌاري حيدرآباد مان هفتيوار ”سنيهو“ پڻ شايع ڪيو.
ايوارڊ
سنواريوقابل ڏاهري تقريرن جي مقابلي ۾ حصو وٺي شاهه لطيف اوارڊ، اقبال اوارڊ، سورهيه بادشاهه اوارڊ، ڪافي ڪتاب ۽ ڊائريون بطور انعام حاصل ڪيا.
وفات
سنواريوپهرين آگسٽ 1992ع تي وفات ڪيائين.