ضمير حسين گهمرو

بئريسٽر ضمير گهمرو، هڪ قانوندان، وڪيل آهي. هن 1966ع ۾ خيرپور ميرس ۾ جنم ورتو.

شروعاتي زندگي ۽ تعليم

ضمير گهمرو شاهه عبداللطيف يونيورسٽي، خيرپور مان 1991ع ۾ ’بين- الاقوامي تعلقات‘ ۾ ماسٽرس ڪري گولڊ ميڊل حاصل ڪيو ۽ ساڳئي مضمون لاءِ اتي ليڪچرر طور هڪ سال پڻ پڙهايائين. 1992ع ۾ هن چٽاڀيٽيءَ وارو امتحان پاس ڪري، سول سروسز اڪيڊمي، -پشاور- مان سب ڊويزنل مئجسٽريٽ جي تربيت ورتي، بعد ۾ هو مختلف وقتن ۾ -ايس-. ڊي. ايم، سٽي مئجسٽريٽ، ڊسٽرڪٽ مئجسٽريٽ، اسسٽنٽ ڪمشنر ۽ ايڊيشنل ڊپٽي ڪمشنر طور 2001ع تائين مختلف هنڌن تي ذميواريون نڀائيندو رهيو. هن 2003ع ۾ لنڊن جي سٽي يونيورسٽيءَ مان ايل. ايل. بي ڪئي ۽ 2005ع ۾ يونيورسٽي آف ويلز، -انگلنڊ- مان ايل. ايل. ايم جا چار يونٽ مڪمل ڪيا.

پيشو

بئريسٽر ضمير، سنڌ سرڪار ۾ ڊپٽي سيڪريٽري طور مقرر هو, جتان هن جولاءِ، 2005ع ۾ ان سرڪاري ذميواري تان استعيفا ڏيئي ڇڏي . جنهن کانپوءِ هن جو قانون ڏانهن لاڙو ٿيو ۽ هو هاءِ ڪورٽ جي وڪيل طور به نامزد ٿي چڪو هو، موجودهه وقت ’ضمير گهمرو اينڊ ايسوسيئيشن‘ نالي قانوني معاونت جو فرم سنڀالي رهيو آهي، سماجي کيتر ۾ هن انساني حقن جي تنظيم سان گڏجي سنڌ جي ڪجهه نجي جيلن مان زميندارن وٽ ناحق قيد ڪيترين ئي هارين کي آزاد ڪرائڻ ۾ ڀرپور ڪردار ادا ڪيو. مختلف انگريزي ۽ سنڌي اخبارن ۾ سماجي جاڳرتا ۽ حالات حاضره بابت تحقيقي ۽ تجزياتي ڪالم به لکندو رهي ٿو. پاڻ هن وقت ’سنڌ دوست رابطا ڪائونسل‘ (SDRC) جو سربراهه آهي، ^[1] جنهنجي پليٽ فارم تان هو قومي حقن، خود مختياري ۽ انساني حقن بابت جاکوڙي رهيو آهي. ^[2] ^[3] ^[4]

پڻ ڏسو

List of Pakistani lawyers

[1] Sindhi nationalist leaders say they will not let the Government Issue a new ordinance - News Pakistan, وقت 2017-06-03 تي اصل کان آرڪائيو ٿيل, حاصل ڪيل 2016-05-26

[2] بئريسٽر ضمير گهمرو : (Sindhianaسنڌيانا)

[3] ttp://www.onlineindusnews.com/2016/01/%D8%A2%D8%AF%D9%85%D8%B4%D9%85%D8%A7%D8%B1%D9%8A-%D8%A8%D8%A7%D8%A8%D8%AA-%D8%AD%D9%8A%D8%AF%D8%B1%D8%A2%D8%A8%D8%A7%D8%AF-%DB%BE-%D9%84%D9%8A%DA%AA%DA%86%D8%B1-%D9%BE%D8%B1%D9%88%DA%AF%D8%B1%D8%A7/^{[مئل ڳنڍڻو]}

[4] مشرف بابت فيصلي سان جمهوريت جي بيوسي ظاهر ٿي، نظريه ضرورت زنده ٿي ويو: قانوندان

[1]

[2]

[3]

[4]