سيسر

سيسر (In Romanized Sindhi: Seesar) يا سيسار (In Romanized Sindhi: Seesar) واڳون جو هڪ قسم آهي. هن واڳون جو هي قسم سنڌ مان هاڻي ختم (Extinct) ٿي چڪو آهي. هن قسم جي واڳون سنڌ ۾ هڪڙو ئي بچيو هو، جنهن کي سنڌ ۾ 1953ع ۾ ناٿي پٽيل، ڍوري ناري ڀرسان بندوق هڻي ماري وڌو هيو، ان کانپوء واڳون جو اهو نسل سنڌ مان ختم ٿي ويو.

• شاهه عبدالطيف پنهنجي شاعريءَ ۾ سيسر واڳون جو ذڪر هن ريت ڪيو آهي.

گِھڙِي گَھڙو هَٿِ ڪري، اِلاهِي تُهارَ! ڄَنگَھ ڄَرڪي واتَ ۾ سِسِيءَ کي سيسارَ؛ چُوڙا ٻِيڙا چِڪَ ۾، لُڙَ ۾ لُڙِهيَس وارَ؛ مِڙيا مَڇَ هزارَ، ڀاڱا ٿِيندِي سُھڻِي. (شاهه)