سلزبرگ (انگريزي: Salzburg ) آسٽريا جي ھڪ رياست جو نالو آهي[2][3][4] لفظ سلزبرگ جي معنيَ آهي لوڻ وارو قلعو. ان جو سرڪاري نالو سيلزبرگرلينڊ آھي جنھن جي گادي جو سلزبرگ شھر آھي. ریاست جي ٻين شھرن جا نالا ھالين، سالفلڊين، بيشوفسھوفن، زيڪرخين ۽ ميترسيل شامل آهن. رياست 1999 ۾ نئون آئين نافذ ڪيو جنھن تحت رياستي حڪومت جو سربراھ گورنر آھي جنھن کي رياست جي اسيمبلي يا لينڊٽيگ چونڊيندي آھي. اسيمبلي جي چونڊ پنجن سالن لاء ٿيندي آهي. 2018 جي چونڊن ۾ ھتي آسٽرين پيپلز پارٽي اڪثريت سان چونڊون کٽيون. رياست جي ضلعن جو ڪل تعداد 6، ميونسپلٽين جو تعداد 119 جن ۾ 11 کي وڏن شھرن ۽ 24 کي ننڍن مارڪيٽ وارن شھرن جو درجو ڏنو ويو آھي. 2018 ۾ ھن رياست جي جي ڊي پي 29 ارب يورو ھئي جيڪا آسٽريا جي جي ڊي پي جو 7.5 سيڪڙو ھئي. ھن رياست جي سرڪاري ٻولي جرمن آھي.
آسٽريا
