ذوالفقار علي ڀٽي
ذوالفقار علي ڀٽي مضمون نڱار، ليکڪ ۽ شاعر آھي. پاڻ سنڌي ٻارن جي رسالي لاٽ، يونيورسٽي ميگزين دي چيلينجر جو ايڊيٽر پڻ رهي چڪو آهي . ٻاراڻي ادب جا ڪتاب شايع ڪندڙ اداري مهراڻ پبليڪيشن حيدرآباد جو باني ميمبر پڻ آهي. سنڌي، اڙدو ۽ انگريزي اخبارن ۾ سندس مضمون شايع ٿيندا رهن ٿا. ذوالفقار علي ڀٽي 200 کان به وڌيڪ نصابي ڪتاب اردو، سنڌي، انگريزي ٻولين ۾ ترتيب ڏئي پنهنجي ڌرتي واسين جي خدمت ڪئي آهي. [1]
پيشه ورانه ڪيريئر
سنواريوذوالفقار علي ڀٽي 12 مارچ 1971ع تي وحدت ڪالوني حيدرآباد ۾ ڄاؤ. سندس پھريون ڪتاب ”سھڻا گل گلاب جا“ 1985 ۾ 14 سالن جي عمر ۾ ڇپيو جيڪو ھن سندس ساٿي ڪھاڻيڪار مضفر لڪياري سان گڏجي مرتب ڪيو ھو. ھن روزانه آفتاب حيدرآباد جي ٻارن جي صفحي”ٻارن جي دنيا“ کان لکڻ جي شروعات ڪئي.[2] 1988ع ۾ ساٿي ڪھاڻيڪار الطاف ملڪاڻي سان گڏجي مھراڻ پبليڪيشن جو بنياد وڌو ۽ ٻارڻو رسالو” لاٽ“ جاري ڪيو. ذوالفقار علي ڀٽي جا ٻارن لاء ٻه ناول خوفناڪ سازش مهراڻ پبليڪيشن پاران جڏهن ته انجام ڪونج پبليڪيشن پاران شايع ٿي چڪا آهن.[3] هن زرعي يونيورسٽي ٽنڊوڄام مان بي – اي (بيچلر آف انجنيئرنگ) پاس ڪئي. بعد ۾ سنڌ يونيورسٽي مان ايم اي انگلش جي ڊگري پڻ ورتي. تعليم مڪمل ڪرڻ کان پوءِ واٽرمئنيجمنٽ ڊپارٽمنٽ ۾ اسسٽنٽ ڊائريڪٽر مقرر ٿيو ۽ بعد ۾ پبلڪ سروس ڪميشن جو امتحان پاس ڪري تعليم کاتي ۾ ليڪچرر طور مقرر ٿيو ۽ هن وقت اسسٽنٽ پروفيسر جي حيثيت سان ڪيترن ئي شاگردن کي علم جي زيور سان سنواري رهيو آهي. 2020 ۾ فڪشن هائوس لاهور پاران سندس انگريزي شاعريءَ جو ڪتاب پڻ شايع ڪيو ويو آهي، جنهن ۾ هڪ پاسي سنڌ جي سداحيات شاعر لطيف سائين جي سُرڪيڏارو جو انگريزي ۾ ترجمو موجود آهي ته ٻئي پاسي 628 سٽن تي ٻڌل هڪ رزميه انگريزي نظم انشيڊ ٽيئرس پڻ شامل آهي،[4] جيڪوملڪي سطح تي هڪ رڪارڊ آهي ڇو ته اڄ تائين ڪنهن به پاڪستاني شاعر ايڏو طويل نظم انگريزي ۾ ناهي لکيو.[5] ان کانسواءِ هن دنيا کي سنڌ جي تاريخ، ثقافت، سياست، سماجيات کان واقف ڪرائڻ لاءِ “سنڌي پيڊيا” جي نالي سان انگريزي آنلائن انسائڪلوپيڊيا پڻ جوڙي آهي.
اهم اشاعتون
سنواريوسندس مکيه اشاعتن ۾ انگريزي گرامر جو ڪتاب Fundamentals of English Grammar (Advanced)، سنڌي مضمون نويسي ۽ سنڌي - انگريزي ڊڪشنري ۽ انگريزي شاعري جو ڪتاب انشيڊ ٽيئرس (Unshed Tears) شامل آهن. ٻين ڪتابن ۾ سائنس، سوشل اسٽڊيز، ڪمپيوٽر، سنڌي، اردو ۽ انگريزي جا درسي ڪتاب شامل آهن. پاڻ سنڌ ٽيڪٽ بڪ بورڊ پاران شايع ٿيل يارهين درجي جي انگريزي جي درسي ڪتاب جي ليکڪن ۾ پڻ شامل آهي، هن ڪمپيوٽر ۽ انٽرنيٽ جي اصطلاحن جي سنڌي کان انگريزي ڊڪشنري پڻ مرتب ڪئي آهي.[6]
- ↑ Staff, MM News. "Meet Professor Zulfiqar Ali Bhatti, an author of more than 200 books". MM News. حاصل ڪيل 2023-04-01.
- ↑ روزانه آفتاب حيدرآباد
- ↑ New novel of Zulfiqar Ali Bhatti for children published - The Sindh Times, وقت 2014-11-30 تي اصل کان آرڪائيو ٿيل, حاصل ڪيل 2016-05-09
- ↑ InpaperMagazine, From. "BOOKS IN BRIEF". DAWN.COM. حاصل ڪيل 2023-04-01.
- ↑ "National Record: Zulfiqar Ali Bhatti’s Unshed Tears becomes the longest English poem ever written by any Pakistani poet – Daily News". حاصل ڪيل 2023-04-01.
- ↑ "First English-Sindhi Dictionary of Computer and Internet Terms launched". The Pioneer-Pakistan. حاصل ڪيل 2023-04-01.
| ھي مضمون ڪچو مضمون آھي. توھان وڪيپيڊيا جي مدد ڪري سگھو ٿا ان کي سنواري. |