ديپڪ آشا
ديپڪ آشا (انگريزي: Deepak Asha، جنم: 26 نومبر 1919ع، وفات: 28 جولاءِ 1993ع) ھندستان جو فلم ڊائريڪٽر، اداڪار، ليکڪ ۽ سنگيتڪار ھو. ھن جو اصل نالو ڌرم ڪمار تولاڻي ھو ۽ ھن جو جنم سنڌ جي شھر ٽنڊي آدم ۾ ٿيو[1]. ھندستان جي ورھاڱي دوران ٻين سنڌي ھندوئن سان گڏ ھو پنھنجا اباڻا ڪک ڇڏڻ تي مجبور ٿيو ۽ وڃي ھندستان جي شھر ممبئيءَ جا وڻ وسايائين. ھن ممبئيءَ ۾ سنڌي راڳيندڙن جي منڊلي ٺاھي جنھن ۾ مرد توڙي عورتون شامل ھئا. ھن ڪيترن ئي سنڌي گيتن جون ڌنون ٺاھيون. ھن پروفيسر رام پنجواڻيءَ سان گڏجي ھندستان جي مختلف شھرن ۾ راڳ جون محفلون سجايون جن کي سنڌي ڳالھائيندڙن وٽان سٺي موٽ ملي. سندس ڳايل گيت ”جيئي منھنجي سنڌ“ اڄ بہ سنڌ ۽ ھند ۾ مقبول آھي.
| ديپڪ آشا | |
|---|---|
| پيدائش | ڌرم ڪمار 26 نومبر 1919ع ٽنڊوآدم، سنڌ |
| وفات | 28 جولاءِ 1993ع |
| يادگار | شري ديپڪ آشا چوڪ ممبئي |
| پيشو | سنگيتڪار، فلم ھدايتڪار، اداڪار |
| سَرگَرمُ سالَ | 1948ع کان 1993ع |
| ٻار ٻچا | پٽ: جيون تولاڻي، ھريش ديپڪ آشا تولاڻي. ڌيئرون: ميرا ڀڳوانداس ميرواڻي، جيوتي لڇمڻداس پنجابي، ديا راوتاڻي، انو بچاڻي |
ھن سنڌي سنسار جي نالي سان ھڪ رسالو پڻ جاري ڪيو جنھن ۾ سنڌي ماڻھن جي مسئلن کي اجاگر ڪرڻ سان گڏ سنڌي موسيقيءَ ۽ ثقافت بابت ليک ڇپبا ھئا.
ديپڪ آشا ھڪ گھڻ رخي شخصيت جو مالڪ ھو. موسيقيءَ سان گڏ ھن ھدايتڪار طور ڪيتريون ئي فلمون ٺاھيون جن ۾ اباڻا (1958ع)، جلتي ديپ (1950ع)، گھمنڊي (1955ع) ۽ ديوالي ڪي رات (1956ع) خاص ذڪر جي لائق آھن[2]. ھن ھڪ اداڪار طور جن سنڌي فلمن ۾ حصو ورتو تن ۾ جھولي لال (1964ع)، لاڏلي (1966ع) ۽ شل ڌيئر نہ ڄمن (1968ع) شامل آھن. ھن ڪيترن ئي ناٽڪن ۾ بہ اداڪاري ڪئي[3].
ديپڪ آشا جون ھدايتڪار طور سنڌي فلمون[4] سنواريو
- ڀڳت ڪنوررام (1952ع)
- انصاف ڪٿي آھي (1959ع)
- اباڻا (1958ع)
- جھولي لال (1964ع)
- شل ڌيئر نہ ڄمن (1968ع)
- رات ھڪ طوفان جي (1969)
- اڃا تہ مان ننڍڙي آھيان (1970ع)
- جئہ جھولي لال (1989ع)
- سنت ڪنوررام (1990ع)
ديپڪ جون ھدايتڪار طور ھندي فلمون[5]،[6] سنواريو
- جلتي ديپ (1950ع)
- گھمنڊي (1955)
- چلي ھين سسرال (1966ع)
- اسپاءِ ان گئا (1966ع)
- سرفروش (1964ع)
- مين اور ميرا ڀائي (1961ع)
- روڊ نمبر 303 (1960ع)
- ايڪ سال پھلي (1965ع)
- رستم ڪون (1966ع)
- ڪيپٽن شيرو (1963ع)
- سن آف حاتم طائي (1965ع)
- ديوالي ڪي رات (1956ع
ديپڪ جون ھدايتڪار طور پنجابي فلمون[7] سنواريو
- پاپي تيري انيڪ (1976ع)
- ڊاج (1976ع)
- جندڙي يار دي (1978ع)
- سخي پريوار
- فوجي چاچا (1980ع)
- ڇلا
- ولايتي بابو (1981ع)
ديپڪ آشا جون اداڪار طور فلمون سنواريو
- جھولي لال
- لاڏلي
- شل ڌيئر نہ ڄمن
- انصاف ڪٿي آ
وفات سنواريو
ديپڪ آشا 28 جولاءِ 1993ع تي پرلوڪ پڌاريو. فلم، موسيقي ۽ راڳ لاءِ سندس ڪيل خدمتن جي مڃتا طور ممبئيءَ جي ميونسپل ڪارپوريشن 1999ع ۾ ممبئيءَ جي ھڪ چوڪ جو نالو ”شري ديپڪ آشا چوڪ“ رکيو .
حوالا سنواريو
- ↑ "ديپڪ آشا : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2022-03-31.
- ↑ "Deepak Asha movies, filmography, biography and songs - Cinestaan.com". Cinestaan. حاصل ڪيل 2022-03-31.
- ↑ "Deepak Asha on Moviebuff.com". Moviebuff.com. حاصل ڪيل 2022-03-31.
- ↑ "Deepak Asha - Encyclopedia of Sindhi". sindhiwiki.org. حاصل ڪيل 2022-03-31.
- ↑ "Deepak Asha on Moviebuff.com". Moviebuff.com. حاصل ڪيل 2022-03-31.
- ↑ FilmiClub. "Dharam Kumar Filmography, Movies, Films". FilmiClub. حاصل ڪيل 2022-03-31.
- ↑ "Dharam Kumar movies, filmography, biography and songs - Cinestaan.com". Cinestaan. حاصل ڪيل 2022-03-31.