شمشاد
شمشاد فارسي ٻولي جو لفظ آهي جنھن کي عربي ۾ بقس يا شمشاد ، ھندي ۾ 'شنشو ۽ لوطوس ۽ انگريزي ۾ باڪس ٽري (انگريزي: Box tree ) سڏيو ويندو آهي. ان جو نباتاتي نالو بڪسس(انگريزي: Buxus) آھي. اھو ھڪ وڏو وڻ ٿيندو آهي. ان جا پن ڏاڙهون جي پنن جهڙا، گل اڇي رنگ جو ۽ ٻج ڪاري رنگ جو ٿئي ٿو. انگريزي ۾ ان جي ڪاٺي کي باڪس ووڊ (انگريزي: Boxwood ) چوندا آهن. ھي وڻ ايشيا ۾ چين ملائيشيا، فلپائن، ڪوريا ۽ جاپان ۾ گھڻو ملندو آهي. ان کان علاوه آفريڪا ۽ اتر آمريڪا جي ملڪن ۾ پڻ ان جون مختلف جنسون ملن ٿيون. ھن وڻ جو عربي ۽ فارسي نالو: شمشاد عام طور تي مردن ۽ عورتن جو اسلامي نالو پڻ آھي. ھن وڻ جي تشبيھ صنوبر جي وڻ سان ڪئي ويندي آهي.
| شمشاد | |
|---|---|
| |
| شمشاد وڻ | |
سائنسي درجا بندي 
| |
| Unrecognized taxon (fix): | Buxaceae |
| Genus: | Buxus ڪارل لينيوئس |
| جنسون | |
|
ھن وڻ جون لڳ ڀڳ 70 جنسون ملن ٿيون | |
طب سنواريو
هن جا پن مينديءَ سان ملائي مٿي تي پني ڪري رکائڻ سان گرميءَ کان پيل مٿي جو سور لاهيندا ۽ وارن کي کسجڻ کان محفوظ ڪندا. هن جو ٻج قابض آهي، جيڪو دستن، رت جي دستن، سوري، پيچش، آنڊن ۽ معدي جي رطوبت ۽ وات مان گهڻي پاڻيءَ جي اچڻ لاءِ مفيد آهي.[1]
حوالا سنواريو
- ↑ ڪتاب فرھنگ جعفري؛ ليکڪ: حڪيم محمد جعفر؛ ايڊيشن: 2007ع؛ پبلشر: سنڌي ادبي بورڊ، ڄامشورو، سنڌ.