رجب

ستون اسلامي مھينو۔ جھالت جي زماني ۾ بہ ان کي مقدس ۽ حرمت جو مھينو سمجھيو ويندو ھو۔ ان کي رجب المرجب بہ چيو ويندو آھي۔ ھن مھيني ۾ عمري جي رسم ادا ڪئي ويندي ھئي ۽ جنگ حرام سمجھی ويندي ھئي۔ قريش ۽ قيس جي قبيلي ۾ ا ھڪ جنگ ھن ئي مھيني ۾ ٿي ھئي جنھن کي جنگ فجار (فجور سان مشتق آھي) چون ٿا ان ۾ حضور ﷺ بہ شريڪ ٿيا ھيا پر پاڻ ڪنھن تي تلوار نہ ھلائي ۔ اھل اسلام ھن مھيني کي ان واسطي متبرڪ سمجھن ٿا تہ ھن ئي مھيني ستاويھين رات تي معراج جو واقعو ٿيو۔ مسلمان 27 رجب تي معراج جي واقعي جي تقريب ملھائيندا آھن۔ ھن ئي مھيني جي 13 تاريخ تي حضرت علي ڪرم الله وجهٗ جي ولادت بہ ٿي۔