برجنلينڊ: جي ورجائن ۾ تفاوت

'''برجنلينڊ''' {{ٻيا نالا|انگريزي= ''' Burgenland '''}} [[آسٽريا]] جي آخري اوڀر ۾ واقع هڪ رياست جو نالو آهي جيڪا ملڪ جي سڀ کان گھٽ آبادي واري رياست آھي. ان ۾ ٻہ رياستي شھر، ست ٻھراڙيءَ وارا ضلعا ۽ 171 ميونسپالٽيون شامل آهن. ملڪ جي اوڀرندي پاسي اتر کان ڏکڻ طرف ھڪ 166 ڪلوميٽر ڊگھي سوڙھي ڦتيل وانگر واقع آھن. ان جي اوڀر کان ڏکڻ طرف وڏي ۾ وڏي ويڪر 5 ڪلوميٽر تائين آھي. ھي رياست پکيڙ ۾ ملڪ جي ٽين وڏي رياست آهي جنھن جي ڪل ايراضي 3962 چورس ڪلوميٽر (1530 چورس ميل) آهي. رياست جو سڀ کان اوچو مقام ھنگري جي سرحد لڳ واقع [[گيشريبينسٽيئن]] (Geschriebenstein) نالي جبل آهي جنھن جي اوچائي 884 ميٽر (2900 فٽ) آھي. رياست جي سڀ کان ھيٺاھون مقام سمنڊ جي سطح کان 114 ميٽر (374 فٽ) بلندي تي واقع اپيٽلن واري ميونسپالٽي آھي جيڪا آسٽريا جو سڀ کان ھيٺاھون ھنڌ پڻ آهي. ھن رياست جي سرحد ڏکڻ اولھ ۾ [[اسٽيريا]] سان، اتر اولھ ۾ [[لوئر آسٽريا]] سان، اوڀر ۾ [[ھنگري]] سان، اتر ۾ [[سلوواڪيا]] سان، ڏکڻ ۾ [[سلووينيا]] سان ملي ٿي. برجنلينڊ جي رياستي اسيمبلي يا لينڊٽيگ جا 36 رڪن آھن. 26 جنوري 2020ع تي ھن رياست ۾ سوشل ڊيموڪريٽڪ پارٽي 19 سيٽون کٽي واضع اڪثريت حاصل ڪئي. ھن رياست ۾ ڪل 9 ضلعا آھن جن مان ٻہ رياستي شھر [[آئزن اسٽڊٽ]] ۽ [[رسٽ]] شامل آهن ۽ ست ٻھراڙيءَ وارا علائقا آھن. لفظ برجنلينڊ جي معنيَ آهي قلعن جي سرزمين آهي. اتي قلعن جي وڏي تعداد ھجڻ ڪري اھو نالو پئجي ويو<ref>{{cite book |last1=Roraff |first1=Susan |title=CultureShock! Austria: A Survival Guide to Customs and Etiquette |date=2011 |publisher=Marshall Cavendish Corporation |location=Tarrytown, New York |isbn=978-0-7614-6051-0 |pages=263}}</ref>. اھا آسٽريا جي واحد رياست آهي جيڪا [[آسٽريا جي آرچڊچي]] [[پاڪ رومي ايمپائر]] ۽ [[جرمن ڪنفيڊريشن]] جو حصو نہ رھي آھي.