آغا تاج محمد خان: جي ورجائن ۾ تفاوت

تعليم دان، عالم ۽ اديب '''آغا تاج محمد خان''' 16 سيپٽمبر 1904ع ۾ تعلقي ۽ [[سکر ضلعو|ضلعي سکر]] جي ڳوٺ ’[[باگڙجي|باگڙجيءَ]]‘ ۾ ڄائو. سندس پيءُ جو نالو عبدالمجيد خان هو. هن کي پهريائين [[قرآن|قرآن پاڪ]] جي تعليم ڏيارائي وئي، ۽ ڪجھ پارسي پڙهائي، پوءِ ڳوٺ جي سنڌي اسڪول ۾ داخل ڪيو ويو، جتي هن سنڌيءَ جا پنج درجا پاس ڪيا. آغا تاج محمد والد جي طرفان نسلي طرح افغاني هو ۽ والده جي طرفان ايراني هو، تنهنڪري ابتدا کان وٺي سنڌي ۽ فارسي ٻولين سان رغبت هئس. آغا صاحب ثانوي تعليم سکر شهر جي ميونسپل اسڪول ۾ حاصل ڪئي. سال 1925ع ۾ ميٽرڪ پاس ڪيائين. آغا تاج محمد بي. اي ۽ بي. ٽي فرسٽ ڪلاس فرسٽ پوزيشن ۾ پاس ڪئي. گرئجوئيشن 1929ع ۾ [[ڊي جي سنڌ گورنمينٽ سائنس ڪاليج ڪراچي|ڊي جي سنڌ ڪاليج]] ڪراچيءَ مان ڪيائين. ان عرصي ۾ [[سنڌ مدرستهمدرستہ الاسلام يونيورسٽي|سنڌ مدرسي]] ۾ استاد رهيو. 1932ع ۾ علي ڳڙھ مان بي. ٽي ڪرڻ کان پوءِ سنڌ مدرسي ۾ مستقل استاد مقرر ٿيو. لوڪل بورڊ جي ملازمت ڪرڻ کان پوءِ تعليم کاتي ۾ انسپيڪٽر آف اسڪولس ٿيو ۽ ان کان پوءِ [[خيرپور رياست]] ۾ ڊائريڪٽر آف اسڪولس مقرر ٿيو. آغا تاج محمد پنهنجي وقت جو [[انگريزي ٻولي|انگريزيءَ]]، [[سنڌي ٻولي|سنڌيءَ]]، [[اردو]] ۽ [[فارسي ٻولي|فارسيءَ]] جو مشهور مقرر ليکيو ويندو هو. 1941ع ۾ حڪومت برطانيا طرفان کيس ”قيصر هند“ جو ميڊل مليو. 1945ع ۾ کيس ”خان صاحب“ جو لقب مليو. 1949ع ۾ کيس [[پاڪستان]] کي [[يونيسڪو]] ۾ متعارف ڪرائڻ جو اعزاز حاصل ٿيو. 1948ع کان صوبائي اسڪائوٽ ڪمشنر رهيو. ابتدا کان ريڊڪراس سان واڳيل هو ۽ روٽري ڪلب جو ميمبر پڻ رهيو. 1953ع ۾ کيس ”جسٽس آف پيس“ جي لقب سان نوازيو ويو. ”ڀٽ شاهه ميموريل ڪائونسل“ ۽ ”شاھ عبداللطيف ڀٽ شاھ ڪلچر سينٽر“ جي سينٽرل ڪميٽيءَ جو بنيادي ميمبر سيڪريٽري ۽ بنياد وجهندڙ هو ۽ آخري دم تائين ميمبر رهي خدمت ڪندو رهيو. 

آغا صاحب اديب، شاعر، ليکڪ، تعليمدان ۽ وڏو منتظم هو. سنڌي گرامر تي سندس ڪيترا ڪتاب لکيل آهن. هن [[شاھ عبداللطيف ڀٽائي|شاھ لطيف]] جي فن ۽ فڪر تي بہ مقالا لکيا آهن. سندس شمار انهن ٿورن اديبن ۽ تعليمي ماهرن ۾ ڪيو ويندو آهي، جن کي راڳ جي ڄاڻ هئي. آغا صاحب 10 آڪٽوبر 1959ع تي [[حيدرآبادحيدرآباد، سنڌ|حيدرآباد]] ۾ لاڏاڻو ڪيو.<ref>[http://encyclopediasindhiana.org/article.php?Dflt=%D8%A2%D8%BA%D8%A7%20%D8%AA%D8%A7%D8%AC%20%D9%85%D8%AD%D9%85%D8%AF%20%D8%AE%D8%A7%D9%86 آغا تاج محمد خان] [[انسائيڪلوپيڊيا سنڌيانا]] (جي ويب-سرزمين)، جلد پھريون، [[سنڌي ٻولي جو با اختيار ادارو|سنڌي ٻوليءَ جو با اختيار ادارو]]، حيدرآباد، سنڌ.</ref>