تعبير جي غلطي
تعبير جي غلطي (اردو: تعبیر کی غلطی)، وحيدالدين خان پاران 1963ع ۾ ابوالاعليٰ مودودي جي ڪتاب قرآن جون چار بنيادي اصطلاحون (اردو: قرآن کے چار بنیادی اصول) جي جواب ۾ ۽ مودودي پاران ڪيل اسلام جي سياسي تشريح جي تنقيد تي ٻڌل ڪتاب آھي. ھن ڪتاب سبب ئي وحيدالدين خان کي جماعت اسلامي مان خارج ڪيو ويو ھو.
 | |
| مصنف | وحيدالدين خان |
|---|---|
| ملڪ | ڀارت |
| ٻولي | اردو |
| صنف | مذھب |
| ڇاپي جي تاريخ | 1963ع |
| شايع ڪندڙ | گوڊ ورڊس بڪس، ڀارت |
| صفحا | 344 |
پسمنظر
سنواريوتعبير جي غلطي 1963ع ۾ شايع ٿي جڏهن ڪتاب جو مصنف 38 سالن جو هو ۽ گذريل 15 سالن کان جماعت اسلامي جو رڪن ھو. ڪتاب جو شروعاتي حصو 1959ع کان 1962ع تائين پارٽيءَ جي سينيئر ميمبرن، يعني صدرالدين اصلاحي، جليل احسن ندوي ۽ ابو العليس اصلاحي سان ٿيل ڊگھي گفتگو ۽ خط و ڪتابت تي مشتمل آهي، جتي مصنف سندن تنقيدي سوالن تي بحث ڪيو آهي. ان کان پوءِ 1962 ۽ 63ع ۾ ھن پارٽيءَ جي باني ابوالاعليٰ مودودي سان خط و ڪتابت ڪئي ته سندس شڪن جا جواب ڏجن. مودودي جو جواب هو:[1]
"... توهان جي ڳالهہ ٻولهہ جو طريقو ظاهر ڪري ٿو تہ جيڪو توهان جي نقطي نظر کي قبول نٿو ڪري، اهو جاهل ۽ اڻڄاڻ آهي ۽ ائين لڳي رھيو آھي تہ توهان تمام اعلي مقام کان ڳالهائي رهيا آهيو. لڳي ٿو تہ توهان اڳ ۾ ئي پنهنجو ذهن ٺاهي ڇڏيو آهي ته توهان جيڪو لکيو آهي اهو حرف آخر آهي. اهڙي صورتحال ۾ منهنجي راءِ غير ضروري آهي. مذهب جي درست تشريح جيڪا توھان سمجھو پيا ان کي فروغ ڏيڻ لاءِ توھان آزاد آھيو."(تعبير جي غلطي، صفحو 112 کان 136 تائين)
ڪجهه خط و ڪتابت کان پوءِ، مودودي مصنف سان وڌيڪ بحث ڪرڻ کان انڪار ڪيو. آخرڪار وحيدالدين خان آگسٽ 1963ع ۾ پنهنجو تنقيدي ڪتاب شايع ڪيو.[1][2]
حوالا
سنواريو- ↑ 1.0 1.1 Pirzada, Yasir (28 April 2021). "وحید الدین خان جیسا کہاں سے لائیں" (ur ۾). Daily Jang. https://jang.com.pk/news/918678.
- ↑ "مولانا وحید الدین: وہ عالم جن کی علمی فضیلت سے ان کے نظریات سے اختلاف رکھنے والے بھی متاثر ہوئے". BBC Urdu. 23 April 2021. https://www.bbc.com/urdu/regional-56853989.