امر فياض ٻرڙو

ليکڪ، سنڌي ٻوليءَ جو انجنيئر

امر فياض حيدرآباد لٽريچر فيسٽيول 2016 ۾

امر فياض ٻُرڙو، ( انگريزي ٻولي: Amar Fayaz Buriro) پھرين 1 ڊسمبر 1967ع تي پاڪستان جي صوبي سنڌ جي هڪ قديم رياست خير پور ميرس جي هڪ ننڍڙي ڳوٺ ڄاڃي ٻُرڙو ۾ ڄائو. امر هاڻي سنڌي ٻوليءَ جو انجنيئر[1]، اديب ۽ بلاگر آهي. سندس والد جو نالو حمز علي ٻُرڙو هو. جيڪو تر جو هڪ ڏاهو، انسان دوست ۽ پيار ڪندڙ ماڻهو هو کيس پنهجي ديس ۽ ٻولي سان بي انتها پيار هو، جنهن امر فياض سميت پنهجي اولاد جي تمام بهترين تربيت ڪئي.

تعليمسنواريو

امر ابتدائي تعليم ڄاڃي ٻُرڙو جي هڪ مدرسي ۽ گورنمينٽ پرائمري اسڪول ڄاڃي ٻرڙي مان حاصل ڪئي، پوءِ گورنمنٽ ناز هاءِ اسڪول خير پور ميرس مان 1983ع ۾ مئٽرڪ جو امتحان امتيازي نمبرن سان پاس ڪري، گونمنٽ ڪالج آف ٽيڪنالاجي، خير پور ميرس مان مڪينيڪل انجنيئرنگ ۾ ڊپلوما جي ڊگري، 1988ع ۾ حاصل ڪئي. اڳتي هلي نوڪريءَ دوران شاھ عبدالطيف يونيورسٽي خير پور ميرس مان ماسٽرس ڊگري سوشيولاجيءَ ۾ پرائيويٽ اميدوار جي حيثيت سان حاصل ڪئي.

نوڪرين جو سفرسنواريو

تعليم مان فارغ ٿي امر فياض ريڊيو پاڪستان جي انهن اوائلي انائونسرن مان هڪ هئو جن ريڊيو خيرپور تي شروعاتي پروگرام ڪيا. امر سن 1990 ۾ پاڪستان ريلويز ۾ سب انجنئير طور چونڊيو ويو ۽ 1999 تائين ريلويز ۾ ڪم ڪندو رهيو، پر اتي جي ماحول مان بيزار ٿي هن ريلويز ڇڏي ڏني ۽ بين الاقوامي معيارن کي پرکڻ واري اداري (ISO) ۾ انسپيڪٽر طور تي شامل ٿيو، وري ڪاسموس ڪميونيڪيشنز ۾ جنرل مينيجر جي نوڪري ڪندو يونائيٽيڊ نيشن ۾ ڪميونيڪيشن آفيسر طور ڪم ڪرڻ لڳو، اتان هن ڪمپيوٽر ٽيڪنالاجيءَ ۾ مهارتون حاصل ڪندو نيٺ پهريون ڀيرو اردو نستعليق نالي ”امر نستعليق“ جو بنياد وڌو، ۽ ڪراچي جي هڪ نجي يونيورسٽيءَ ۾ هيڊ آف ڊپارٽمينٽ انفارميشن ٽيڪنالاجي طور کنيو ويو[2]. ان بعد ھو سنڌي لئنگئيج اٿارٽيءَ جي انفارميشن ٽيڪنالاجيءَ جي اهم شاخ لئنگئيج انجنيئرنگ سان سلهاڙيل شعبي جو ڪنسٽنٽ رھيو آهي. ھاڻي ھو سنڌي جي ثقافت ۽ سياحت کاتي ۾ انفارميشن ٽيڪنالاجيءَ جي ڪنسلٽنٽ طور ڪم ڪري رھيو آھي.

ڪارناماسنواريو

امر فياض ٻرڙي کي سنڌ گريجوئيٽس ايسوسيئيشن پاران ڏنل گولڊ ميڊل
  • 1996 ۾ پاڪستان جي وڏي سنڌي کان انگريزي ڊڪشنري کي مرتب ڪيائين. جيڪا لاهور جي اشاعتي اداري اوريئٽل بڪ سوسائٽيءَ وارن 2008 ۾ ڇپي پڌري ڪئي.
  • اردو ٻوليءَ جو پهريون نستعليق فانٽ امر ٺاهيو جنهن جو نالو پنهنجي نسبت سان ”امر نستعليق“ رکي پڌرو ڪيائين جيڪو انتهائي هلڪو هئو ۽ جيڪو ويب سائيٽن تي لڳي پئي سگھيو[3].
  • سنڌي ٻولي کي ويب پيج تي ٽڪسٽ بيسڊ ڪيو. جيڪو ڪم سنڌي ڪمپيوٽنگ جي بانيڪار عبدالماجد ڀرڳڙيءَ پنهنجي ويب سائيٽ کي امر کان ئي ٺهرايو.[4]
  • سنڌي ٻولي کي گوگل جي ٻولين واري فهرست ۾ شامل ڪرائڻ ۾ مرڪزي ڪرردار ادا ڪئين.
  • سنڌي ٻوليءَ جي اکرن کي جاوا ۽ اجڪس ۾ پهريون ڀيرو شناخت ڏنائين جنهن سان ويب جي پروگرامنگ پاڻمرادو سنڌي ٻولي محسوس ڪري ان جي سڌائي ۽ فانٽ کڻي سگھي.[5]
  • امر فياض پنھنجي ٽيم جي اڻٿڪ محنتن کان پوءِ سنڌي ٻوليءَ جو پھريون او سي آر بڻائي عام ڪيو.[6]
  • ھن پھريون ڀيرو شاھ جي رسالي جو ڪارپس تيار ڪري سڄي شاھ جي رسالي مان لفظي، اکري استعمال ظاھر ڪيو. https://awamiawaz.com/79575/
  • امر فياض ٻرڙي انڊرائيڊ سرشتي جي ڪيبورڊ سويفٽ ۾ سنڌي ٻولي جي اڳڪٺ شامل ڪئي، جنھن ۾ شاھ جو سڄو رسالو، پھاڪا ۽ عام جملا اڳواٽ رکيائين.

مڃتائونسنواريو

حوالاسنواريو

خارجي ڳنڍڻاسنواريو