آسواڻي
آسواڻي ”سنڌ جي هندن جي تاريخ“ موجب گچيري تعلقي موري جا ويٺل آهن. مير فتح علي خان ٽالپر جي صاحبيءَ ۾ حيدرآباد ۾ واپار سانگي آيا، جتي پوءِ هميشہ لاءِ رهي پيا. انھن گچيراين مان هڪ آڪھ وارا پنهنجي وڏي ڏاڏي ڀائي آسو مل جي نالي پٺيان پاڻ کي ”آسواڻي“ سڏائين ٿا. حيدرآباد ۾ گچيراين جي پنچائت ئي ڌار آهي، ۽ وقت بوقت پنھنجيءَ پھر مان ڪو معزز چونڊي، کيس پنهنجو مکي ڪندا آهن. آسواڻين مان ڪي پڙهي پيا آهن، نوڪرين ۾ آهن، مگر ٻيا عام طرح اڄ تائين ڌنڌو ڌاڙي ڪن ٿا.[1]